გამოცემა “საქართველოს ამბები” კიბერთავდასხმის სამიზნე გახდა
გამოცემა “საქართველოს ამბების” დამფუძნებელი, ჟურნალისტი გელა მთივლიშვილი სოციალურ ქსელში წერს, რომ გამოცემის საიტი - sakartvelosambebi.ge კიბერთავდასხმის სამიზნე გახდა.
განათლების მინისტრი გამოცემა “გურიის მოამბეს” სასამართლოში უჩივის
საქართველოს განათლების, მეცნიერებისა და ახალგაზრდობის მინისტრი გივი მიქანაძე, გამოცემა “გურიის მოამბესა” და მის მფლობელს, ვლადიმერ მენაბდეს სასამართლოში უჩივის. მინისტრი გამოცემას მის შესახებ დეზინფორმაციის გავრცელებაში ადანაშაულებს, გავრცელებული განცხადებების უარყოფასა და მორალური ზიანის ანაზღაურებას ითხოვს. მინისტრი აცხადებს, რომ უკვე მიმართა სარჩელით ოზურგეთის რაიონულ სასამართლოს.
პროსამთავრობო ტელეკომპანია “იმედი” გამოცემა “პუბლიკის” დისკრედიტაციას ახდენს
რუსული დეზინფორმაციისთვის ბრიტანეთის მიერ დასანქცირებული, პროსამთავრობო ტელეკომპანია “იმედი” ონლაინ გამოცემა “პუბლიკის” დისკრედიტაციას ახდენს და გამოცემას “ნაცმოძრაობის” პროპაგანდის ინსტრუმენტად მოიხსენიებს.
ჟურნალისტ ვახო სანაიას განმეორებით დაპატიმრება ემუქრება სოციალურ ქსელში გამოქვეყნებული სტატუსების გამო
ტელეკომპანია “ფორმულას” ტელეწამყვანს, ვახო სანაიას მეორედ ემუქრება ადმინისტრაციული პატიმრობა სოციალურ ქსელში გამოქვეყნებული სტატუსების გამო. საუბარია Facebook-ში გამოქვეყნებულ ორ სარკასტულ პოსტსა და ერთ ვიდეოზე, რომლებიც პარლამენტის თავმჯდომარეს შალვა პაპუაშვილს ეხება. ერთი პოსტი დაპატიმრებამდე რამდენიმე წუთით ადრეა დაწერილი (22 ივლისს), მეორე კი ციხიდან გამოსვლის შემდეგ (5 აგვისტოს).
ბერა ივანიშვილი რამდენიმე მედიასაშუალების და ჟურნალისტის მიმართ სარჩელის შეტანას გეგმავს
30 სექტემბერს ბერა ივანიშვილმა საკუთარ ფეისბუკ გვერდზე გამოაქვეყნა განცხადება, რომლის თანახმადაც ის მედიასაშუალებების წინააღმდეგ სასამართლოში სარჩელის შეტანას გეგმავს ცილისწამების მოტივით.
პარლამენტის თავმჯდომარე, შალვა პაპუაშვილი, მზია ამაღლობელის შესახებ დეზინფორმაციას ავრცელებს
2026 წლის 9 სექტემბერს, საქართველოს პარლამენტის თავმჯდომარემ, შალვა პაპუაშვილმა, კვლავ დეზინფორმაცია გაავრცელა გამოცემების “ბათუმელებისა” და “ნეტგაზეთის” დამფუძნებლის, ჟურნალისტ მზია ამაღლობელის შესახებ. ასევე, იგი კვლავ მოძალადედ მოიხსენია და “უსინდისობის პატიმარი” უწოდა.
“ქართულ ოცნებასთან” აფილირებული პირი, გია აბაშიძე, რომელიც პოზიციონირებს, როგორც ექსპერტი, ონლაინ გამოცემა “ნეტაზეთს” მოიხსენიებს როგორც - “ევროდაფინანსებულ” კედლის გაზეთს” და ნაციონალური მოძრაობის პროპაგანდისტს - “ნაცბაბლის” და “ნაცსექტის” მედიას.
“ქართულ ოცნებასთან” დაახლოებული პირი, გიორგი გამსახურდია, რომელიც, პოლონეთში პოლიციის ატაშეა, გამოცემების “ბათუმელებისა” და “ნეტგაზეთის” დამფუძნებლების, ეთერ თურაძისა და მზია ამაღლობელის მისამართით, ჰომოფობიური შინაარსის დეზინფორმაციულ განცხადებას ავრცელებს და ამით, გამოცემის დისკრედიტაციას ცდილობს.
