2024 წლის 3 აპრილს “მედიის, ინფორმაციის და სოციალური კვლევების ცენტრმა” გორში შეხვედრები გამართა თემაზე საჯარო ინფორმაცია, მედია და მოქალაქეთა ჩართულობა. ცენტრის წარმომადგენელმა, მამუკა ანდღულაძემ, სტუდენტებთან ისაუბრა ჟურნალისტებისა და მოქალაქეებისთვის საჯარო ინფორმაციაზე წვდომის საკითხებზე.
მოწვეულმა ექსპერტმა, ნანუკა ყრუაშვილმა კი გორის სახელმწიფო უნივერსიტეტის სტუდენტებს გააცნო სამოქალაქო ჩართულობის ძირითადი ასპექტები და ისაუბრა საჯარო ინფორმაციის როლზე მოქალაქეთა ჩართულობისთვის.
საჯარო ინფორმაციაზე წვდომის თემაზე სამუშაო შეხვედრა გაიმართა ასევე ადგილობრივი მედიის და სამოქალაქო სექტორის წარმომადგენლებთან, რომელსაც “ქართულმა მედია ჯგუფმა” უმასპინძლა.
_______
პროექტი – „მედიის თავისუფლების და მოქალაქეთა ჩართულობის ხელშეწყობა საჯარო ინფორმაციაზე წვდომის გზით“ ხორციელდება საქართველოში ა.შ.შ. საელჩოს დემოკრატიის კომისიის მცირე გრანტების პროგრამის დაფინანსებით.
#საჯარო ინფორმაციაზე წვდომა ჟურნალისტებისთვის
#საჯარო ინფორმაციაზე წვდომა შენი უფლებაა
