სამართლებრივი ინციდენტი→სამართლებრივი დევნა · ფიზიკური ძალადობა
ჟურნალისტ კობა ფარტენაძის მიმართ განმეორებითი თავდასხმის შემდეგ, ის ადმინისტრაციული წესით დააკავეს
16 აგვისტოს, ბათუმში, ევროპის მოედანზე, აჭარის საზოგადოებრივი მაუწყებლის ჟურნალისტსა და მეტეოროლოგ კობა ფარტენაძეს კვლავ დაესხნენ თავს. ფარტენაძის თქმით, შემთხვევის ადგილზე პოლიციის თანამშრომლები და სასწრაფო სამედიცინო დახმარების ჯგუფი იმყოფებოდნენ.
რეგიონული ონლაინმედია „საფიხვნო“-ს YouTube არხი გაითიშა
16 აგვისტოს რეგიონულმა ონლაინმედია „საფიხვნომ“ გაავრცელა ინფორმაცია, რომ მისი YouTube-არხი წაიშალა. გამოცემა მაღალმთიანი რეგიონის ამბებზე მუშაობს, ამზადებს პოდკასტებსა და ვიდეომასალებს და გამოირჩევა კრიტიკული, პროევროპული სარედაქციო პოზიციით.
"ქართულ ოცნებასთან" აფილირებული გვერდი | ადმინისტრაციული ორგანო
პროფესიული ნიშნით დევნა
ინციდენტის ტიპი:
ვერბალური თავდასხმა→დისკრედიტაცია
კრიტიკული მედიის დისკრედიტაციის კამპანია გრძელდება
კრიტიკული მედიის წინააღმდეგ დისკრედიტაციული გზავნილები კვლავ ვრცელდება როგორც ხელისუფლების წარმომადგენლების, ისე პროსამთავრობო მედიასაშუალებების მხრიდან.
ტელეკომპანია „იმედი“ რადიო თავისუფლების დისკრედიტაციას ცდილობს
ტელეკომპანია „იმედმა“ Facebook-გვერდზე გამოაქვეყნა ბარათი, რომლითაც “რადიო თავისუფლების” დისკრედიტაციას ცდილობს. ქარდში მედიასაშუალება მოხსენიებულია როგორც „უცხოეთიდან დაფინანსებული რადიო თავისუფლება“ და ნათქვამია, რომ ის სასკოლო ფორმების რეფორმის გაკრიტიკებას ცდილობს.
ComCom-მა “TV პირველი” შინაარსობრივი რეგულირების დარღვევისთვის მეორედ დააჯარიმა
კომუნიკაციების კომისიამ TV პირველი „მაუწყებლობის შესახებ“ კანონის იმ მუხლების დარღვევისთვის, რომლებიც შინაარსობრივ რეგულირებას ეხება, მეორედ დააჯარიმა. ამჯერად ჯარიმის ოდენობა 5,000 ლარია.
პრემიერ მინისტრი ირაკლი კობახიძე დამოუკიდებელი მაუწყებლების დისკრედიტაციას ახორციელებს
2026 წლის 12 აგვისტოს, სამთავრობო ბრფინგზე პრემიერ მინისტრმა ირაკლი კობახიძემ, კრიტიკული სარედაქციო პოლიტიკის მქონე ტელევიზიები: “ფორმულა” და “TV პირველი” არაერთხელ მოიხსენია პარტიულ ტელევიზიებად. ისინი რუსოფობიური განწყობების გაღვივებაში დაადანაშაულა, “TV პირველის” ჟურნალისტს რუსუდან დუმბაძეს კი არაერთხელ უწოდა “უცხოელი აგენტი” და “ერთიანი ნაციონალური მოძრაობის” პროპაგანდისტი.
ჟურნალისტ კობა ფარტენაძეს ფიზიკური ანგარიშსწორებით დაემუქრნენ
2026 წლის 10 აგვისტოს აჭარის ტელევიზიის ჟურნალისტმა კობა ფარტენაძემ საკუთარ Facebook გამოაქვეყნა ვიდეო, რომლის მიხედვითაც მას ფიზიკური ანგარიშსწორებით ემუქრებოდნენ.
თბილისში მცხოვრები უნგრელი ჟურნალისტი, ლასლო რობერტ მეზეში, დეპორტაციის საფრთხის გამო, იძულებული გახდა საქართველო დაეტოვებინა
2026 წლის 6 აგვისტოს, თბილისში მცხოვრები უნგრელი ჟურნალისტი, ლასლო რობერტ მეზეში, იძულებული გახდა საქართველო დაეტოვებინა. ამ გადაწყვეტილებას წინ უძღოდა მისი დაკავება საემიგრაციო სამსახურის მიერ. ჟურნალისტი, რომელიც წლებია საქართველოში იმყოფება, 5 აგვისტოს დააკავეს. შინაგან საქმეთა სამინისტრომ განაცხადა, რომ იგი საქართველოში კანონიერი საფუძვლის გარეშე იმყოფებოდა და დარღვეული ჰქონდა ქვეყანაში ყოფნის ვადები.
პარლამენტის წევრი | პროსამთავრობო "POSTV" | პროსამთავრობო "რუსთავი 2" | პროსამთავრობო “იმედი”
დევნა კრიტიკული პოზიციის გამო
ინციდენტის ტიპი:
ვერბალური თავდასხმა→დისკრედიტაცია
“მონიტორის” YouTube-ს დაბლოკვას მედიის დისკრედიტაციის კამპანია მოჰყვა
2026 წლის 3 აგვისტოს, საგამოძიებო მედია “მონიტორის” YouTube-ს დაბლოკვას, “ქართული ოცნებისა” წევრებისა და პროსამთავრობო მედიების მხრიდან, მედიის დისკრედიტაციის კამპანია მოჰყვა.
