2024 წლის 13 დეკემბერს,  ონლაინ გამოცემა “ქუთაისიპოსტმა” მიიღო წერილი სპეციალური საგამოძიებო სამსახურიდან, რომლითაც, უწყება ითხოვს იმ ჟურნალისტების პერსონალურ მონაცემებს, რომლებიც 28 ნოემბერს, ქუთაისში, მმართველი პარტია “ქართული ოცნების” ოფისთან გამართულ   აქციას აშუქებდნენ. 

გარდა ამისა, უწყება “ქუთაისიპოსტს” სთხოვს აცნობოს, სად ინახება აქციაზე გადაღებული ვიდეომასალა, მათ შორის, დაუმუშავებელი ვიდეოკადრები. 

როგორც გამოცემა წერს, მათთვის ბუნდოვანია ჟურნალისტების მონაცემების მოთხოვნის საჭიროება. “ქუთაისიპოსტმა” სპეციალური საგამოძიებო სამსახურისგან დამატებითი განმარტებები მოითხოვა.