6 ივნისს, საპროტესტო აქციაზე, “შაბათის მარშზე”, სამოქალაქო აქტივისტს თამუნა გიორგაძეს უცნობი პირი ფიზიკურად გაუსწორდა. თავდამსხმელი საკურიერო კომპანია “გლოვის” სკუტერით იყო. თავდამსხმელი პოცილიელებმა გაარიდეს ტერიტორიას.
გამოცემა “ბათუმელებთან” ინტერვიუში, თამუნა გიორგაძე ჰყვება, რომ მარშის დაწყებამდე ამ პირმა აქციის მონაწილეებს სკუტერით ჩაუარა და აგინა.
„ფილარმონიასთან ვიდექით, მსვლელობის დაწყებას ველოდებოდით. ტროტუარსა და გზას შორის კუნძული რომ არის, იქ ვიდექით ხუთი ადამიანი. ჩაიარა „გლოვოს“ კურიერმა და შეგვაგინა, გვიძახა შეურაცხმყოფელი სიტყვები – „დებილებო, რას დგახართ, თქვენი დედა …ჩემს გვერდით იდგა ლევან ზაზაძე [ფოტოგრაფი] და იმანაც დაუბრუნა პასუხი. ის კაცი გადმოვიდა შეტევაზე და მე შევეცადე ჩავმდგარიყავი შუაში. პირველმა იმან დაარტყა სახეში ლევანს და მე შუაში, რომ ვიდექი, მე მომხვდა ყბაში და მუცელში, რადგან ის კაცი იქნევდა ხელებს” , – ყვება გიორგაძე.
დარტყმის შედეგად აქტივისტმა დაზიანებები მიიღო სახის, ხელისა და მუცლის არეში. შსს-ს ინფორმაციით, ფაქტზე გამოძიება დაწყებულია სსკ-ის 126-ე მუხლით, რაც ძალადობას გულისხმობს.
