თბილისის საქალაქო სასამართლოს მოსამართლე მანუჩარ ცაცუამ, სამოქალაქო აქტივისტი მარინე ჟვანია, ტროტუარზე დგომის გამო, სამართალდამრღვევად ცნო და სიტყვიერი შენიშვნა გამოუცხადა. 

შინაგან საქმეთა სამინისტრო 69 წლის მარინე ჟვანიას 2025 წლის 17 დეკემბერს პარლამენტის მიმდებარედ ხალხის გადაადგილებისთვის დაბრკოლების შექმნას ედავებოდა. ამ საქმის განხილვა დეკემბერში დაიწყო და რამდენჯერმე გადაიდო. გადაწყვეტილება მოსამართლემ საბოლოოდ,15 ივნისს გამოიტანა.

მარინე ჟვანია აცხადებდა, რომ ის ნამდვილად იდგა პარლამენტთან და აპროტესტებდა, თუმცა გამვლელებისთვის დაბრკოლება არ შეუქმნია. ის თავს სამართალდამრღვევად არ მიიჩნევდა.