სამოქალაქო აქტივისტი, ლაშა გაბიტაშვილი 22 თებერვალს, თბილისის საერთაშორისო აეროპორტში თითქმის ორი საათით დააყოვნეს ისე, რომ მიზეზი არ აუხსნეს.

ლაშა გაბიტაშვილი პარიზში მიფრინავდა. როგორც ამბობს, მას საქართველოს და ისრაელის მოქალაქეობა აქვს. საპასპორტო კონტროლზე ისრაელის პასპორტი მიაწოდა. ლაშა გაბიტაშვილს პასპორტი თვითმფრინავის გაფრენიდან ერთი  საათის შემდეგ დაუბრუნეს. მან გაფრენა ვერ შეძლო. მოგვიანებით, შეფერხების მიზეზად მესაზღვრეებმა გაბიტაშვილს „პროგრამული წუნი“ დაუსახელეს.

ლაშა გაბიტაშვილს 2025 წლის იანვარში აბუ-დაბიში „ქართული ოცნების“ დეპუტატები ფიზიკურად დაუპირისპირდნენ. 2025 წლის თებერვალში, თბილისში დაბრუნების შემდეგ, მას სამი ნიღბიანი პირი დაესხა თავს.