საპროტესტო აქციების აქტიური მონაწილე სოციალურ ქსელში წერს, რომ მას ფოსტის კურიერმა ყადაღის დადგენილებების ნაწილი ჩააბარა, რაც მის მიმართ დაკისრებული ჯარიმების გადაუხდელობას უკავშირდება.

მისი ინფორმაციით, ერთ დღეში 6 დადგენილება მიიღო, თუმცა, მისი თქმით, საერთო რაოდენობა 21-ს აღწევს, თითოეული 5000 ლარის ოდენობის ჯარიმას შეეხება. აქტივისტის განცხადებით, სანქციები, სავარაუდოდ, დაკავშირებულია საპროტესტო აქციებში მონაწილეობასა და გზის გადაკეტვის ბრალდებებთან.