გზის ხელმეორედ გადაკეტვისთვის გასამართლებული ზურაბ მენთეშაშვილის ადვოკატის, ჯანო ჭკადუას ინფორმაციით, სააპელაციო სასამართლომ ზურაბ მენთეშაშვილის საქმეზე გადაწყვეტილება ზეპირი მოსმენის გარეშე მიიღო და დაცვის მხარის სააპელაციო საჩივარი არ დააკმაყოფილა.

“საქმის ზეპირი განხილვის გარეშე გადაწყვეტა პირდაპირ არღვევს სამართლიანი სასამართლოს უფლებას და საქმის საჯაროობის ფუნდამენტურ პრინციპს”, – წერს ადვოკატი

მენთეშაშვილის მხარე ზემდგომ ინსტანციაში მის უდანაშაულოდ ცნობას მოითხოვდა. მენთეშაშვილი პირველი მოქალაქეა, ვისაც საპროტესტო აქციების კვალდაკვალ გამკაცრებული კანონმდებლობის საფუძველზე სისხლის სამართლის პასუხისმგებლობა დაეკისრა საავტომობილო გზის ხელმეორედ გადაკეტვისთვის. მან ციხეში 9 თვე გაატარა.