პროევროპული აქციების მონაწილეს, სამოქალაქო აქტივისტს ელენე დევიძეს ანგარიშები დაუყადაღეს. ამის შესახებ მან სოციალურ ქსელში დაწერა. გამოცემა “პუბლიკასთან” საუბარში იგი ამბობს, რომ დაყადაღების მიზეზი გადაუხდელი ჯარიმაა.

როგორც ირკვევა, ელენე დევიძე 2025 წლის 10 აგვისტოს, გზის გადაკეტვის საბაბით, 5 000 ლარით არის დაჯარიმებული. სამოქალაქო აქტივისტს ჯარიმის შესახებ შეტყობინება არ მისვლია, რადგან, შსს-ში მისი ნომერი არასწორად არის მითითებული და არც ოქმი ჩაბარებია პირადად. ელენე დევიძე ჯარიმის გასაჩივრებას აპირებს.

ელენე დევიძე სინდისის პატიმრის, მსჯავრდებული მათე დევიძის დაა. მათე დევიძე 2024 წლის 19 ნოემბერს, საპარლამენტო არჩევნების შედეგების საპროტესტო აქციაზე დააკავეს პოლიციელზე თავდასხმის ბრალდებით. მას 4.6 წლით პატიმრობა მიუსაჯეს.