თბილისის საქალაქო სასამართლომ უწყვეტი პროტესტის მონაწილე ნინო გიორგანაშვილს ტროტუარზე დგომის გამო 1-დღიანი ადმინისტრაციული პატიმრობა შეუფარდა. გადაწყვეტილება მოსამართლე თორნიკე კაპანაძემ მიიღო.

შინაგან საქმეთა სამინისტრო გიორგანაშვილს 18 დეკემბერს პარლამენტის წინ ქვეითთა გადაადგილებისთვის დაბრკოლების შექმნას ედავებოდა.

იმავე დღეს მოსამართლე კაპანაძემ განიხილა ლელა სამხარაძის საქმეც. სასამართლომ ის ადმინისტრაციულ სამართალდამრღვევად ცნო და სიტყვიერი შენიშვნა გამოუცხადა. შინაგან საქმეთა სამინისტრო სამხარაძეს 7 თებერვალს, აქციის დროს, საავტომობილო გზის გადაკეტვას ედავებოდა.