სამოქალაქო აქტივისტი ნინო სვანიძე აცხადებს, რომ ათობით ჯარიმის გადაუხდელობის გამო დააყადაღეს
საპროტესტო აქციების აქტიური მონაწილე სოციალურ ქსელშიწერს, რომ მას ფოსტის კურიერმა ყადაღის დადგენილებების ნაწილი ჩააბარა, რაც მის მიმართ დაკისრებული ჯარიმების გადაუხდელობას უკავშირდება.
სამ სამოქალაქო აქტივისტს ანგარიშები დაუყადაღეს იმ ჯარიმების გადაუხდელობისთვის, რომელთა შესახებ შეტყობინება არ მიუღიათ
15 აპრილს, სამ სამოქალაქო აქტივისტს - ნათია მეგრელიშვილს, ნათია ართმელაძეს და თამთა ჩხაიძეს საბანკო ანგარიშები დაუყადაღეს იმ ჯარიმების გადაუხდელობისთვის, რომელთა შესახებ არცერთ მათგანს შეტყობინება არ ჰქონდა მიღებული. დაყადაღების შესახებ აქტივისტებმა სოციალურ ქსელში დაწერეს.
9 აპრილს დაკავებული შოთა ოდიშვილი 10-დღიან ადმინისტრაციულ პატიმრობაში გაუშვეს, პოლიციისადმი დაუმორჩილებლობის საბაბით
სამოქალაქო აქტივისტი, შოთა ოდიშვილი, რომელმაც “ქართული ოცნების” საპატიო თავმჯდომარე, ბიძინა ივანიშვილი შეურაცხმყოფელად მოიხსენია, თბილისის საქალაქო სასამართლოს მოსამართლ ზვიად ცეკვავამ 10-დღიან ადმინისტრაციულ პატიმრობაში გაუშვა.
დაკავება→დროებითი დაკავება, გადაყვანა ან გადაადგილების იძულებითი შეზღუდვა
9 აპრილს პოლიციამ დააკავა აქტივისტი შაკო ბაღდოშვილი, რომელიც თავად იყო თავდასხმის მსხვერპლი
9 აპრილის მემორიალთან მომხდარი შეხლა-შემოხლისას დაკავებული სამოქალაქო აქტივისტი შაკო ბაღდოშვილი, რომელმაც თავად მიიღო ფიზიკური დაზიანებები, პოლიციის შენობაში რამდენიმე საათის განმავლობაში დააყოვნეს, ბოლოს კი გაათავისუფლეს და განაცხადეს, რომ ის მოწმის სახით იკითხებოდა.
სინდისის პატიმრის, საბა სხვიტარიძის დედას ელენე ახობაძეს ანგარიშები დაუყადაღეს
სინდისის პატიმრის, საბა სხვიტარიძის დედას, ელენე ახობაძეს, ანგარიშები დაუყადაღეს. ინფორმაცია სოციალურ ქსელში თავად ელენე ახობაძემ გაავრცელა.
“გუშინ, ხარების დღესასწაულზე, აღდგომის კვირეულში, ამ „მორწმუნე“ ხელისუფლებამ სრულიად გაუფრთხილებლად დამადო ყადაღა არარსებულ ჯარიმაზე. არც შეტყობინება და არც ჯარიმა არ მომსვლია”, - დაწერა მან.
დაკავება→ადმინისტრაციული სამართლის დაკავება · ადმინისტრაციული სამართალდარღვევა / სამართლებრივი პრაქტიკა→სიტყვიერი შენიშვნა
თბილისის საქალაქო სასამართლომ, ტროტუარზე პროტესტის გამო, კიდევ სამი აქტივისტი სცნო სამართალდამრღვევად
თბილისის საქალაქო სასამართლოს მოსამართლე თორნიკე კაპანაძემ, 3 აპრილს, ტროტუარზე პროტესტის გამო,სამი სამოქალაქო აქტივისტი სცნო სამართალდამრღვევად. მათგან ერთს, აფხაზეთის ომის მონაწილე ზოსიმე ბჟალავას ორდღიანი ადმინისტრაციული პატიმრობა შეუფარდა, ორს - ნანიკო ბედინეიშვილს და ვიკა ძანძავას კი სიტყვიერი შენიშვნა გამოუცხადა.
სამოქალაქო აქტივისტი, ვახტანგ რამიშვილი ტროტუარზე პროტესტის გამო სამართალდამრღვევად სცნეს
სამოქალაქო აქტივისტი, ვახტანგ რამიშვილი, ტროტუარზე პროტესტის გამო სამართალდამრღვევად სცნეს და 4-დღიანი პატიმრობა შეუფარდეს. გადაწყვეტილება თბილისის საქალაქო სასამართლოს მოსამართლე თორნიკე კაპანაძემ მიიღო. შინაგან საქმეთა სამინისტრო ვახტანგ რამიშვილს ტროტუარზე გამვლელთათვის დაბრკოლების შექმნას ედავებოდა.
