2024 წლის 14 დეკემბერს, პრეზიდენტის არჩევის პროცესს, რომელიც პარლამენტის შენობაში იმართება, მედია მხოლოდ იმ შემთხვევაში დაესწრება, თუ მას სპეციალური საშვი ექნება. შესაბამისი გადაწყვეტილება საქართველოს პარლამენტის ვებგვერდზე გამოქვეყნდა.
განცხადებაში ნათქვამია, რომ შენობაში დაიშვებიან ტელემაუწყებლების/ტელემედიასა და ონლაინ მედიასაშუალებების ის ჯგუფები, რომლებსაც საქართველოს პრეზიდენტის არჩევნების გაშუქებისთვის მიღებული აქვთ სპეციალური ერთჯერადი აკრედიტაცია.ამ აკრედიტაციის მისაღებად მედიასაშუალებებმა ოფიციალური წერილით უნდა მიმართონ საქართველოს არაღიარებული პარლამენტის თავმჯდომარეს – შალვა პაპუაშვილს.
“მედიაომბუდსმენის” განცხადებით, “იმ დროს, როცა მედიის წარმომადგენლები ფლობენ მოქმედ საშვებს პარლამენტის შენობაში სამუშაოდ, მათთვის სპეციალური საშვების შემოღება არის ადმინისტრაციული ბარიერი და ქმნის პოტენციურ შესაძლებლობებს დისკრიმინაციისთვის”.
