სამართლებრივი ინციდენტები→მედიის შემზღუდავი კანონი
ახალი საკანონმდებლო ცვლილებები შეკრებისა და გამოხატვის თავისუფლებას კიდევ უფრო ზღუდავს
16 ოქტომბერს, “ქართულმა ოცნებამ” დაჩქარებული წესით, ორ დღეში მიიღო მორიგი საკანონმდებლო ცვლილებები, რაც კიდევ უფრო ამკაცრებს სანქციებს საპროტესტო გამოსვლებში მონაწილე მოქალაქეების მიმართ და მნიშვნელოვნად ზღუდავს შეკრებისა და გამოხატვის თავისუფლებას.
„აჭარა თაიმსის“ ხელმძღვანელი აცხადებს, რომ სოციალურ ქსელში მუქარის შემცველი შეტყობინება მიიღო
15 ოქტომბერს, “აჭარა თაიმსის” დამფუძნებელმა და ხელმძღვანელმა, სულხან მესხიძემ, სოციალურ ქსელში პოსტი გამოაქვეყნა, სადაც წერს, რომ მან მუქარისა და შეურაცხმყოფელი შინაარსის შემცველი შეტყობინება მიიღო. მესხიძის განცხადებით, შეტყობინება შეეხო მას და მის ოჯახის წევრებს.
საპატრიარქო „TV პირველს“ და „ფორმულას“ მომდევნო საეკლესიო დღესასწაულებზე არ დაუშვებს
საქართველოს საპატრიარქოს საზოგადოებასთან ურთიერთობის სამსახურმა განაცხადა, რომ 14 ოქტომბერს, შიდა წესების დარღვევის გამო, ტელეკომპანიების „TV პირველის“ და „ფორმულას“ გადამღები ჯგუფები მომდევნო საეკლესიო დღესასწაულებზე აკრედიტაციას ვერ მიიღებენ.
“ქართული ოცნების” მორიგი თავდასხმა “ბათუმელები”/”ნეტგაზეთის” დამფუძნებელზე, მზია ამაღლობელზე
2025 წლის 10 ოქტომბერს, “ქართულმა ოცნებამ” “ბათუმელები”/”ნეტგაზეთის” დამფუძნებელი, პატიმარი მზია ამაღლობელი მოძალადედ და “დიფსთეითის დავალებების შემსრულებლად” მოიხსენია. “ქართული ოცნების” ეს განცხადება მზია ამაღლობელისთვის IPI-IMS-ის მსოფლიო პრესის თავისუფლების გმირის ჯილდოს გადაცემას მოჰყვა.
თბილისის საქალაქო სასამართლომ არ დააკმაყოფილა “მოამბის” ყოფილი წამყვანის, ვასილ ივანოვ-ჩიქოვანის სარჩელი
2025 წლის 10 ოქტომბერს, თბილისის საქალაქო სასამართლოს მოსამართლე მეია მელქაძემ არ დააკმაყოფილა საზოგადოებრივი მაუწყებლის პირველი არხის ყოფილი თანამშრომლის, გადაცემა “მოამბის” წამყვანის, ვასილ ივანოვ-ჩიქოვანის სარჩელი. ვასილ ივანოვ-ჩიქოვანმა სასამართლოში მისი სამსახურიდან გათავისუფლება გაასაჩივრა.
სამართლებრივი ინციდენტები→სიტყვიერი გაფრთხილება · მედიის საქმიანობის შეწყვეტა
კომუნიკაციების კომისიამ მედიის მიმართ ახალი რეგულაციების აღსრულება დაიწყო
2025 წლის 9 ოქტომბერს, კომუნიკაციების კომისიამ ტელემაუწყებლები „ფორმულა“ და „ფორმულა მულტიმედია“, ასევე რადიომაუწყებლები „ჟურნალისტთა კავშირი ხალხის ხმა“, „რადიო-ტვ ნორი“ და „სისტემა გამა“ წერილობით გააფრთხილა და მათ „მაუწყებლობის შესახებ“ საქართველოს კანონის დარღვევის გამო უცხოური ძალისგან დაფინანსების მიღების შეწყვეტა დაავალა.
სახელისუფლებო ტელევიზია POSTV აგრძელებს დამოუკიდებელი მედიების დისკრედიტაციას
2025 წლის 5 ოქტომბერს, “ქართულ ოცნებასთან” აფილირებულმა, პროპაგანდისტულმა ტელევიზიამ POSTV, დამოუკიდებელი ონლაინ მედიები - “ნეტგაზეთი”, “პუბლიკა” და “ტაბულა” და ტელევიზიები “TV პირველი” და “ფორმულა”, “ნაცმოძრაობის პროპაგანდისტულ მედიებად” მოიხსენია.
შსს-ს განცხადება საფრთხეს უქმნის შეკრებისა და გამოხატვის თავისუფლებას
5 ოქტომბერს, შინაგან საქმეთა სამინისტროს განცხადებით, 4 ოქტომბრის შეკრება „მიზნად ხელისუფლების დამხობას ისახავდა“ და „მალევე მიიღო კანონსაწინააღმდეგო ხასიათი“, რის შემდეგაც სამინისტრომ „პროპორციული ზომები“ მიიღო. უწყების თქმით, „გუშინდელი მოვლენებიდან გამომდინარე“, 5 ოქტომბრიდან ნებისმიერი შეკრება ჩაითვლება „დამხობის მცდელობის გაგრძელებად“ და სამინისტრო მიიღებს შესაბამის ზომებს „საზოგადოებრივი წესრიგისა და უსაფრთხოების დასაცავად“.
“ქართული ოცნების” თბილისის მერობის კანდიდატმა კახა კალაძემ ჟურნალისტებს უზრდელები უწოდა
2025 წლის 4 ოქტომბერს, ადგილობრივი თვითმმართველობის არჩევნების დღეს (რომელსაც პროდასავლური ოპოზიციის დიდმა ნაწილმა ბოიკოტი გამოუცხადა), საარჩევნო უბანზე მყოფმა თბილისის მერობის კანდიდატმა კახა კალაძემ ჟურნალისტებს უზრდელები უწოდა.
