ჟურნალისტების უსაფრთხოება საქართველოში

ინციდენტები

  • 18.06.2025
  • თბილისი
  • ადმინისტრაციული ორგანო
  • პროფესიულ მოვალეობაში ხელშეშლა
ინციდენტის ტიპი:
მედიის შემზღუდავი კანონი

საერთო სასამართლოების შესახებ ორგანულ კანონში შეტანილი ცვლილებები ზღუდავს სასამართლო პროცესების საჯაროობას

18 ივნისს, პარლამენტში დაინიცირდა, საერთო სასამართლოების შესახებ ორგანულ კანონში ცვლილებები, რომელიც პარლამენტმა დაჩქარებული წესით განიხილა და 26 ივნისს, მე-3 მოსმენით მხარი დაუჭირა, მათ შორის, სასამართლოს სხდომებზე მედიისთვის ფოტო-ვიდეო გადაღების აკრძალვას.
  • 17.06.2025
  • თბილისი
  • სამართალდამცველი
  • პროფესიული ნიშნით დევნა
ინციდენტის ტიპი:
სამართლებრივი ინციდენტები ფინანსური ჯარიმა

“ფორმულას” ჟურნალისტი, “გზის გადაკეტვის” საფუძვლით, 5 000 ლარით დააჯარიმეს

ტელეკომპანია „ფორმულას“ჟურნალისტი ანამარია გელიტაშვილი, პროფესიული მოვალეობის შესრულების დროს რუსთაველის გამზირზე „გზის ხელოვნურად გადაკეტვის“ საფუძვლით  5000 ლარით დააჯარიმეს. ინფორმაცია დაჯარიმების შესახებ, ჟურნალისტს შსს-მ 2025 წლის 17 ივნისს აცნობა. მას ედავებიან გზის გადაკეტვას 6 მაისის აქციის დროს. 
  • 17.06.2025
  • თბილისი
  • ადმინისტრაციული ორგანო
  • დევნა კრიტიკული პოზიციის გამო
ინციდენტის ტიპი:
სამართლებრივი დევნა სამართლებრივი ინციდენტები

საჯარო რეესტრი ტელეკომპანია “ფორმულას” საკადრო ცვლილებების რეგისტრაციას უჭიანურებს

როგორც „ფორმულა“ წერს, ტელეკომპანიამ საჯარო რეესტრს 2025 წლის 1 ივნისს მიმართა დირექტორისა და სამეთვალყურეო საბჭოს ცვლილებების დასარეგისტრირებლად. რეესტრის მოთხოვნის შესაბამისად, რეგისტრაცია დროებით შეჩერდა. 10 ივნისს, კომპანიამ რეესტრს წარუდგინა ყველა დამატებით მოთხოვნილი დოკუმენტაცია. გადაწყვეტილება მომდევნო სამუშაო დღეს უნდა ასახულიყო, თუმცა, მიუხედავად კანონით განსაზღვრული ვადის გასვლისა, საჯარო რეესტრის ეროვნულ სააგენტოს პროცესი დღემდე არ დაუსრულებია.
  • 12.06.2025
  • თბილისი
  • ადმინისტრაციული ორგანო
  • დევნა კრიტიკული პოზიციის გამო
ინციდენტის ტიპი:
მედიის შემზღუდავი კანონი

საკანონმდებლო ცვლილებები ზრდის მარეგულირებლის კონტროლის მექანიზმებს მაუწყებლებზე

2025 წლის 12 ივნისს, ერთპარტიულმა პარლამენტმა პირველი მოსმენით დაჩქარებული წესით, მიიღო საკანონმდებლო პაკეტი, რომლითაც ცვლილებები შევიდა, მათ შორის მაუწყებელთა შესახებ კანონში და კომუნიკაციების კომისიას მიენიჭა უფლებამოსილება მაუწყებლების შესახებ კონფიდენციალური ინფორმაცია ბანკებისგან სასამართლოს გზით გამოითხოვოს. აღნიშნულის შესახებ, ახალი თავი დაემატა „ადმინისტრაციულ საპროცესო კოდექსს“.
  • 12.06.2025
  • თბილისი
  • ადმინისტრაციული ორგანო
  • დევნა კრიტიკული პოზიციის გამო
ინციდენტის ტიპი:
მედიის შემზღუდავი კანონი

საკანონმდებლო ცვლილებები ზღუდავს მედიის გამოხატვის თავისუფლებას

12 ივნისს, პარლამენტმა მესამე მოსმენით, 84 ხმით მიიღო „გრანტების შესახებ“ კანონში ცვლილებები. კერძოდ, ცვლილებით გრანტად ჩაითვლება ტექნიკური და საექსპერტო დახმარება, ცოდნის გაზიარება და სხვა მსგავსი ტიპის კონტრიბუციაც.
  • 12.06.2025
  • თბილისი
  • ადმინისტრაციული ორგანო
  • დევნა კრიტიკული პოზიციის გამო
ინციდენტის ტიპი:
სამართლებრივი დევნა ფინანსური ჯარიმა

პოლიტიკოსების მიმართ სოციალურ ქსელში გამოთქმული კრიტიკული მოსაზრებების გამო ჟურნალისტები სასამართლოში დაიბარეს

2025 წლის 12 ივნისს, სოციალურ ქსელში გამოთქმული, ხელისუფლებისადმი კრიტიკული მოსაზრებებისთვის, ექვსი ჟურნალისტი: ეკა მიშველაძე (TV პირველი), ვიკა ბუკია (TV პირველი), მიშა მშვილდაძე (TV ფორმულა), დეა მამისეიშვილი (მთავარი არხი), ვახო სანაია (TV ფორმულა) და ნანუკა ჟორჟოლიანი (დამოუკიდებელი ჟურნალისტი) თბილისის საქალაქო სასამართლოში დაიბარეს. მათ აცნობეს, რომ ედავებიან “ქართული ოცნების’ პოლიტიკოსებისთვის ფეისბუქზე შეურაცხყოფის მიყენებას
  • 11.06.2025
  • თბილისი
  • სასამართლო
  • პროფესიული ნიშნით დევნა
ინციდენტის ტიპი:
დაშინება/მუქარა ვერბალური თავდასხმა

მოსამართლე თამარ მჭედლიშვილი “პუბლიკის” ჟურნალისტს სასამართლო პროცესზე ფოტოების გადაღების აკრძალვით დაემუქრა 

2025 წლის 11 ივნისს, თბილისის საქალაქო სასამართლოს მოსამართლე თამარ მჭედლიშვილი, რომელიც აქციაზე დაკავებულ 8 პირის საქმეს განიხილავს, ონლაინ გამოცემა “პუბლიკის” ჟურნალისტს მინდია გაბაძეს დაემუქრა, რომ შემდეგ პროცესზე ფოტოების გადაღების უფლებას აღარ მისცემს. როგორც ჟურნალისტი აცხადებს, მოსამართლემ ეს მას პირადად უთხრა: “მაშინ მომძახა, როცა პროცესის დასრულება გამოაცხადა, მე კი ხმაურის გარეშე ვაგრძელებდი ფოტოების გადაღებას”, – დაწერა ჟურნალისტმა სოციალურ ქსელში.
  • 11.06.2025
  • თბილისი
  • სასამართლო
  • პროფესიულ მოვალეობაში ხელშეშლა
ინციდენტის ტიპი:
მუშაობაში ხელშეშლა სასამართლო სხდომიდან გაძევება

თბილისის საქალაქო სასამართლოში მედიისთვის ისევ დაიხურა პოლიტიკური პატიმრების პროცესი

2025 წლის 11 ივნისს, თბილისის საქალაქო სასამართლოს მოსამართლე მიხეილ ჯინჯოლიამ, საპროტესტო აქციებზე დაკავებული გიორგი ახობაძის პროცესის მიმდინარეობისას, მოულოდნელად, სხდომის დახურვის შესახებ გამოაცხადა
  • 11.06.2025
  • თბილისი
  • ადმინისტრაციული ორგანო
  • დევნა კრიტიკული პოზიციის გამო
ინციდენტის ტიპი:
მედიის შემზღუდავი კანონი

ონლაინ გამოცემა “ტაბულას”, “გრანტების კანონის” საფუძველზე, კუთვნილი გრანტის მიღება შეეზღუდა

2025 წლის 11 ივნისს ცნობილი გახდა, რომ ონლაინ გამოცემა “ტაბულა” ვეღარ მიიღებს გაერთიანებული სამეფოს მთავრობის გრანტს, 50 ათასი ფუნტის ოდენობით, რომელიც მოგებული ჰქონდა კონკურსის წესით
  • 11.06.2025
  • ქუთაისი
  • სამართალდამცველი
  • პროფესიული ნიშნით დევნა
ინციდენტის ტიპი:
ქვეყანაში შესვლაზე უარის თქმა

ფრანგი ფოტოგრაფი მარილიზ ვინიო საქართველოში არ შემოუშვეს

2025 წლის 11 ივნისს ფრანგი ფოტოგრაფი მარილიზ ვინიო საქართველოში არ შემოუშვეს. იგი ვენიდან ქუთაისის საერთაშორისო აეროპორტში ჩამოფრინდა. მისი ინფორმაციით, პასპორტში ჯერ ჩაურტყეს ბეჭედი, მაგრამ, შემდეგ საბუთები აღარ დაუბრუნეს და გამოკითხვაზე გადაიყვანეს. კითხვები მისი მარშრუტს შეეხებოდა. სამსაათიანი ლოდინის შემდეგ, მკაფიო განმარტების გარეშე, უარი უთხრეს ქვეყანაში შემოსვლაზე და მიზეზად დაუსახელეს "საქართველოს კანონმდებლობით გათვალისწინებული სხვა შემთხვევები".