24 ნოემბერს, “ქართული ოცნების” პარლამენტის თავმჯდომარემ შალვა პაპუაშვილმა “რადიო თავისუფლების” წინააღმდეგ განცხადება გაავრცელა და თქვა, რომ მედია “ცენტრალური სადაზვერვო სამსახურის” მიერ არი შექმნილი. ხოლო, ჟურნალისტებს “პროპაგანდისტები” უწოდა.

“რადიო თავისუფლება მედია არის?! შექმნილია ცენტრალური სადაზვერვო სამსახურის მიერ. სპეცსამსახურის მიერ შექმნილი ორგანიზაციაა, რომელსაც აფინანსებდა აშშ-ის ბიუჯეტი, დღევანდელმა ხელისუფლებამ აშშ-ის შეუწყვიტა დაფინანსება, ვინაიდან თქვა, რომ ისინი არიან პროპაგანდის იარაღი”.

ამავე პრესკონფერენციაზე პაპუაშვილმა ვრცლად ისაუბრა, პროსამთავრობო “იმედის” ეთერში გასულ სიუჟეტზე, “სინათლე მედიის” წინააღმდეგ. პაპუაშვილის თქმით, დამოუკდიებელი ონლაინ მედიები “კრიმინალურ ენერგიას დებენ და მიდიან სისხლის სამართლის დანაშაულზე, გადასახადების დამალვაზე და სხვა სახის დანაშაულებზე”.