ადმინისტრაციული სამართალდარღვევა / სამართლებრივი პრაქტიკა→სიტყვიერი შენიშვნა
აქტივისტი მაგდა მამუკაშვილი 5000 ლარით დააჯარიმეს
19 მარტს, თბილისის საქალაქო სასამართლოს მოსამართლე თორნიკე ქოჩქიანმა აქტივისტი მაგდა მამუკაშვილი 5000 ლარით დააჯარიმა. შინაგან საქმეთა სამინისტრო მას 7 მარტს, პარლამენტის წინ გამართულ პროევროპულ აქციაზე საავტომობილო გზის გადაკეტვას ედავებოდა.
პროკურატურა | სასამართლო | შსს (პოლიცია, საპატრულო, გდდ)
დევნა სამოქალაქო აქტივიზმის გამო
ინციდენტის ტიპი:
სისხლის სამართლის დევნა ან გამოძიების დაწყება→წინასწარი პატიმრობა
შალვა ესართიას საქმეს სისხლის სამართლის კვალიფიკაცია მიეცა
19 მარტს გავრცელდა ინფორმაცია, რომ ზუგდიდში დაკავებული აქტივისტი შალვა ესართია არა ადმინისტრაციული, არამედ სისხლის სამართლის წესით არის დაკავებული, რაც მოგვიანებით მისმა ადვოკატმა, რამაზ მიქაიამ დაადასტურა. მისი ინფორმაციით, ესართიას ბრალი წაუყენეს სისხლის სამართლის კოდექსის 353-ე ტერცია მუხლით, რაც ადმინისტრაციულად უკვე დასჯილი პირის მიერ იმავე ქმედების განმეორებით ჩადენას გულისხმობს და 1 წლამდე პატიმრობას ითვალისწინებს.
უფლებადამცველი უჩა ნანუაშვილი სოციალურ ქსელში წერს, რომ სახელმწიფო უსაფრთხოების სამსახურში გამოკითხვაზე დაიბარეს. მისი თქმით, დაბარება ეუთოს “მოსკოვის მექანიზმის” ფარგლებში მოქმედ ექსპერტთან კომუნიკაციას უკავშირდება.
ზუგდიდში სამოქალაქო აქტივისტი შალვა ესართია დააკავეს
ზუგდიდში დააკავეს სამოქალაქო აქტივისტი შალვა ესართია. დაკავების კადრები ზუგდიდის პროევროპული აქციების მონაწილემ, მარიამ სიჭინავამ გაავრცელა. ვიდეოში ჩანს, რომ რამდენიმე პოლიციელი ესართიას ძალით სვამს მანქანაში, დაკავების საფუძვლის განმარტების გარეშე.
ადმინისტრაციული სამართალდარღვევა / სამართლებრივი პრაქტიკა→სიტყვიერი შენიშვნა
გზის გადაკეტვის საქმეზე სასამართლომ შორენა შავლაყაძე სამართალდამრღვევად ცნო
შორენა შავლაყაძეს, შშმ პირის დედას, რომელიც თავისი და შვილის უფლებების დასაცავად აქტიურად მონაწილეობს საპროტესტო გამოსვლებში, შინაგან საქმეთა სამინისტრო რუსთაველის გამზირზე საავტომობილო გზის ხელოვნურად გადაკეტვას ედავებოდა. 16 მარტს, თბილისის საქალაქო სასამართლომ შშმ პირის დედა და უფლებადამცველი, შორენა შავლაყაძე ადმინისტრაციულ სამართალდამრღვევად ცნო და სიტყვიერი შენიშვნა გამოუცხადა. გადაწყვეტილება თბილისის საქალაქო სასამართლოს მოსამართლე ნინო ენუქიძემ მიიღო.
ადმინისტრაციული სამართალდარღვევა / სამართლებრივი პრაქტიკა→სიტყვიერი შენიშვნა
ტროტუარზე დგომის გამო სასამართლომ უფლებადამცველი გიორგი გოცირიძე სამართალდამრღვევად ცნო
16 მარტს, საქართველოს ახალგაზრდა იურისტთა ასოციაციის იურისტი და უფლებადამცველი გიორგი გოცირიძე მოსამართლე დავით მაკარაძემ ადმინისტრაციულ სამართალდამრღვევად ცნო პროტესტის ფარგლებში ტროტუარზე დგომის გამო და მას სიტყვიერი შენიშვნა გამოუცხადა.
აქტივისტ გიორგი მუმლაძეს გზის გადაკეტვის საქმეზე 4-დღიანი პატიმრობა შეეფარდა
16 მარტს, სოციალურ ქსელში გავრცელებული ინფორმაციით, აქტივისტ გიორგი მუმლაძეს საავტომობილო გზის გადაკეტვის საქმეზე 4 დღიანი ადმინისტრაციული პატიმრობა შეეფარდა.
ადმინისტრაციული სამართალდარღვევა / სამართლებრივი პრაქტიკა
ტროტუარზე პროტესტის გამო აქტივისტ მეგი დიასამიძეს სასამართლოში იბარებენ
აქტივისტი მეგი დიასამიძე ტროტუარზე პროტესტში მონაწილეობის გამო სასამართლოში დაიბარეს. შსს მას ედავება ტროტუარზე დგომასა და გამვლელი მოქალაქეების გადაადგილებაში ხელის შეშლას. დიასამიძე სოციალურ ქსელში წერს, რომ საქალაქო სასამართლოდან დაუკავშირდნენ და აცნობეს, რომ სასამართლო სხდომა 31 მარტისთვის ჩაინიშნა.
პირადი ნივთების უკანონო ჩამორთმევა დაკავების / აქციის დაშლის დროს · შეკრებისა და გამოხატვის თავისუფლების შეზღუდვა
პოლიციამ პარლამენტთან გაშლილი კარვები აიღო
15 მარტს, გვიან ღამით პარლამენტის წინ გაშლილი კარვები პოლიციამ კვლავ აიღო. აქტივისტების მიერ გავრცელებულ ვიდეოებში ჩანს, რომ კარვები დასუფთავების სამსახურის თანამშრომლებმა ნაგვის მანქანით წაიღეს. პროტესტის მონაწილეები აცხადებენ, რომ კარვებთან ერთად წაიღეს მათი პირადი ნივთებიც.
საკანონმდებლო ცვლილებების ფონზე საიამ უფასო სამართლებრივი დახმარების პროგრამების ნაწილი შეზღუდა
საქართველოს ახალგაზრდა იურისტთა ასოციაციის (საია) განცხადებით, 2024 წლიდან მიღებულმა საკანონმდებლო ცვლილებებმა და რეპრესიულმა გარემომ მნიშვნელოვნად შეავიწროვა სამოქალაქო საზოგადოების საქმიანობის სივრცე და გავლენა მოახდინა ორგანიზაციის მუშაობაზეც.
