ტელეკომპანია “ფორმულას” ჟურნალისტს თბილისის საქალაქო სასამართლოს მანდატურმა ტელეფონი დაუზიანა
2025 წლის 1 ოქტომბერს, ტელეკომპანია „ფორმულას“ ჟურნალისტს, ნატალი ჯახუტაშვილს, თბილისის საქალაქო სასამართლოს მანდატურის თანამშრომელმა ტელეფონი წაართვა და უკან გატეხილი დაუბრუნა.
პროფესიულ მოვალეობაში ხელშეშლა | პროფესიული ნიშნით დევნა
ინციდენტის ტიპი:
ვერბალური თავდასხმა→დაშინება/მუქარა · მუშაობაში ხელშეშლა · ფიზიკური ძალადობა
“პუბლიკის” ჟურნალისტს თბილისის საქალაქო სასამართლოს მანდატური პოლიციის გამოძახებით დაემუქრა და ფიზიკური ანგარიშსწორება სცადა
2025 წლის 1-ელ ოქტომბერს, ონლაინ გამოცემა “პუბლიკის” ჟურნალიტს, მინდია გაბაძეს, თბილისის საქალაქო სასამართლოს მანდატური პოლიციის გამოძახებით დაემუქრა და მასზე ფიზიკური ანგარიშსწორება სცადა. მინდია გაბაძე სასამართლოში აქტივისტ გელა ხასაიას სასამართლო პროცესს აშუქებდა.
რეპრესიული კანონების აღსრულების მიზნით, ანტიკორუფციული ბიურო მედიებისგან ინფორმაციას ითხოვს
2025 წლის მაისიდან, მას შემდეგ, რაც რეპრესიული კანონები ამოქმედდა, ანტიკორუფციულმა ბიურომ 60-ზე მეტ არასამთავრობო ორგანიზაციას დიდი რაოდენობით ინფორმაციის გაგზავნა მოსთხოვა, მათ შორის რამდენიმე მედიასაშუალებასაც. აღნიშნული მოთხოვნის საფუძველი გრანტების შესახებ კანონია. გრანტების შესახებ” კანონში ცვლილება “ქართულმა ოცნებამ” 2025 წლის 16 აპრილს მიიღო. ცვლილებების თანახმად გრანტის გამცემმა (დონორმა) გრანტის გაცემაზე თანხმობის მისაღებად უნდა მიმართოს საქართველოს მთავრობას; გრანტის მიმღები, თანხმობის გარეშე გრანტის მიღების შემთხვევაში დაჯარიმდება გრანტის ორმაგი ოდენობით.
“ქართული ოცნების” პარლამენტის სპიკერი, შალვა პაპუაშვილი, დამოუკიდებელ ონლაინგამოცემა “ნეტგაზეთზე” თავდასხმას აგრძელებს
2025 წლის 2 სექტემბერს, “ქართული ოცნების” პარლამენტის თავმჯდომარემ, შალვა პაპუაშვილმა, დამოუკიდებელი ონლაინ გამოცემა “ნეტგაზეთი” პროპაგანდისტულ მედიად მოიხსენია.
პროსამთავრობო მედია “TV პირველის“ დისკრედიტაციას ცდილობს
2025 წლის 17 სექტემბერს “ქართული ოცნების” მხარდამჭერმა ტელევიზიამ, „POSTV“-მ, Facebook-ზე გამოაქვეყნა ვიზუალური მასალა, რომელშიც ნათქვამია, რომ „TV პირველმა“ არ გააშუქა ხელისუფლების მიერ დევნილი ოჯახებისათვის ბინების გადაცემის ფაქტი. პოსტში „ტვ პირველი“ ასევე დაადანაშაულეს „მხოლოდ ფეიკ ნიუსების“ გაშუქებაში. მასზე ასევე, დატანილია მოწოდება “გამორთე TV პირველი”.
“ქართული ოცნების” პარლამენტის თავმჯდომარე, შალვა პაპუაშვილი, აგრძელებს გამოცემა “ნეტგაზეთზე” თავდასხმას
2025 წლის 9 სექტემბერს, “ქართული ოცნების” პარლამენტის თავმჯდომარემ, შალვა პაპუაშვილმა, დამოუკიდებელი ონლაინ გამოცემა “ნეტგაზეთი” “ძალადობის წამქეზებელ, პროპაგანდისტული პლატფორმად, მოძალადე მედიად” მოიხსენია.
“რადიო მარნეული” “ქართული ოცნების” წევრების მხრიდან ცენზურისა და მუქარის სამიზნე გახდა
მმართველ პარტია “ქართულ ოცნებასთან” დაკავშირებულმა პირებმა, რადიო “მარნეულს”, პარტიის ერთ-ერთი კანდიდატის შესახებ გავრცელებული ინფორმაციის წაშლა მოსთხოვეს, წინააღმდეგ შემთხვევაში, სასამართლოში ჩივილით დაემუქრნენ.
სააპელაციო სასამართლომ არ დააკმაყოფილა “ბათუმელები”/”ნეტგაზეთის” დამფუძნებლის საჩივარი სტიკერის გაკვრის საქმეზე
ქუთაისის სააპელაციო სასამართლოს მოსამართლე ზაზა რამიშვილმა არ დააკმაყოფილა “ბათუმელები”/”ნეტგაზეთის” დამფუძნებლის, პატიმარ მზია ამაღლობელის, საჩივარი სტიკერის გაკვრის საქმეზე. სტიკერის გაკვრის ფაქტზე მზია ამაღლობელის წინააღმდეგ ორი ადმინისტრაციული საქმე აღძრეს და იგი ორჯერ დააჯარიმეს. სააპელაციო სასამართლომ კი ბათუმის საქალაქო სასამართლოს გადაწყეტილება ძალაში დატოვა.
პროფესიულ მოვალეობაში ხელშეშლა | პროფესიული ნიშნით დევნა
ინციდენტის ტიპი:
მუშაობაში ხელშეშლა→გადაღების აკრძალვა · ვერბალური თავდასხმა→სიტყვიერი შეურაცხყოფა · თავდასხმა საკუთრებაზე→ტექნიკის ჩამორთმევა · ფიზიკური დაზიანება · ფიზიკური ძალადობა
თბილისის მერის კახა კალაძის საარჩევნო შტაბთან, პოლიციისა და “ქართული ოცნების” მხარდაჭერების მიერ, ექვსი ჟურნალისტი დაზარალდა
2025 წლის 8 სექტემბერს, თბილისში, პარტია “ქართული ოცნების” თბილისის მერობის კანდიდატის, კახა კალაძის, საარჩევნო შტაბთან მიმდინარე აქციის გაშუქებისას, პარტიის მხარდამჭერებმა და სამართალდამცველებმა ფიზიკურად იძალადეს ჟურნალისტებზე, მიაყენეს სიტყვიერი შეურაცხყოფა და ჩამოართვეს მობილური ტელეფონები. ერთ-ერთ დაშავებულ ჟურნალისტს სამედიცინო დახმარება დასჭირდა.
