ცილისწამების საქმე ტელეკომპანია „TV პირველისა“ და ჟურნალისტის წინააღმდეგ
2025 წლის 9 დეკემბერს თბილისის სააპელაციო სასამართლომ ძალაში დატოვა თბილისის საქალაქო სასამართლოს გადაწყვეტილება “ქართული ოცნების” ყოფილი შინაგან საქმეთა მინისტრის ალექსანდრე ჭიკაიძის მიერ ტელეკომპანია „TV პირველისა“ და ჟურნალისტ სოფო ნიაურის წინააღმდეგ აღძრულ ცილისწამების საქმეზე.
მედიისთვის სასამართლო პროცესების შესახებ საზოგადოების ინფორმირება სულ უფრო მეტად რთულდება
17 დეკემბრის, ე.წ. “4 ოქტომბრის საქმეზე” დაკავებული 13 პირის საქმის განხილვისას, სასამართლო პროცესზე, სატელევიზიო ჟურნალისტების თხოვნაზე, პირდაპირ ეთერში ჩართვის მიზნით სხდომის დარბაზიდან ერთხელ გასვლის უფლების მინიჭებაზე, მოსამართლე თამარ მახარობლიძემ განაცხადა, რომ სხდომის დატოვების შემთხვევაში ჟურნალისტებს დარბაზში დაბრუნების უფლება აღარ ექნებოდათ.
„იმედის კვირის“ სიუჟეტი BBC-ის გამოძიებისა და დამოუკიდებელი მედიის წინააღმდეგ
2025 წლის 14 დეკემბერს, ტელეკომპანია „იმედის“ გადაცემაში „იმედის კვირა“, გავიდა სიუჟეტი, რომელიც დამოუკიდებელ ქართულ მედიასა და არასამთავრობო ორგანიზაციებს უცხო ქვეყნების ინტერესების გატარებასა და ე.წ. „ჰიბრიდული ომის“ წარმოებაში ადანაშაულებს.
შეკრების თავისუფლების შემზღუდველი რეპრესიული საკანონმდებლო ცვლილებები
2025 წლის 12 დეკემბერს „ქართულმა ოცნებამ“ შეკრების თავისუფლების შემზღუდველი კიდევ ერთი რეპრესიული საკანონმდებლო ცვლილება მიიღო, რომელიც დაჩქარებული წესით, 3 დღეში განიხილა. “ქართულმა ოცნებამ” 2024 წლის დეკემბრიდან დღემდე 5-ჯერ შეიტანა ცვლილება შეკრებისა და მანიფესტაციის მარეგულირებელ კანონმდებლობაში. ყოველ ჯერზე ცვლილებები უფრო მეტად რეპრესიულ შინაარსს ატარებს და მიზნად ისახავს ერთი მხრივ დემონსტრანტების დასჯას, ხოლო, მეორე მხრივ, პრევენციულად მათ დაშინებას.
პროსახელისუფლებლო “იმედი” დამოუკიდებელი ონლაინმედიების დისკრედიტაციას მორიგი სიუჟეტით ცდილობს
2025 წლის 30 ნოემბერს, პროსახელისუფლებო ტელევიზიის, „იმედის“ ეთერში გავიდა მორიგი სიუჟეტი, რომელიც პლატფორმა “სინათლე მედიის” დისკრედიტაციას ისახავდა მიზნად.
შალვა პაპუაშვილი “რადიო თავისუფლებას” “ცენტრალური სადაზვერვო სამსახურის” მიერ შექმნილ “პროპაგანდისტებს” უწოდებს
24 ნოემბერს, “ქართული ოცნების” პარლამენტის თავმჯდომარემ შალვა პაპუაშვილმა “რადიო თავისუფლების” წინააღმდეგ განცხადება გაავრცელა და თქვა, რომ მედია “ცენტრალური სადაზვერვო სამსახურის” მიერ არი შექმნილი. ხოლო, ჟურნალისტებს “პროპაგანდისტები” უწოდა.
შალვა პაპუაშვილი “მთის ამბების” დისკრედიტაციას ცდილობს
24 ნოემბერს, „ქართული ოცნების“ პარლამენტის თავმჯდომარემ, შალვა პაპუაშვილმა ონლაინმედია „მთის ამბები“ ფინანსების დამალვაში დაადანაშაულა. მან თქვა, რომ დონორები „მთის ამბების“ დაფინანსებით ქსენოფობიას აფინანსებენ. ასე გამოეხმაურა შალვა პაპუაშვილი პროსამთავრობო ტელევიზიის მიერ „მთის ამბების“ შესახებ დასმულ შეკითხვას. ჟურნალისტი პაპუაშვილს „მთის ამბების“ მიერ Eagle Hills-ის პროექტის გაშუქების შესახებ ეკითხებოდა. Eagle Hills-ი „ქართული ოცნების“ მთავრობის მიერ უპრეცედენტო, მრავალმილიონიან პროექტად არის დასახელებული.
“ქართული ოცნების” პრემიერ-მინისტრი, ირაკლი კობახიძე, დამოუკიდებელი ონლაინმედიების დისკრედიტაციას და დაშინებას ცდილობს
24 ნოემბერს, „ქართული ოცნების“ პრემიერ-მინისტრმა, ირაკლი კობახიძემ განაცხადა, რომ „უცხო ქვეყნებიდან დაფინანსებული გაერთიანებები ჩვენი ქვეყნის განვითარების წინააღმდეგ მოქმედებენ“.
შალვა პაპუაშვილი „სინათლე მედიის“ დისკრედიტაციას და დაშინებას ცდილობს
„ქართული ოცნების“ პარლამენტის თავმჯდომარე, შალვა პაპუაშვილი გამოეხმაურა პროსამთავრობო ტელევიზია „იმედის“ ეთერში გასულ სიუჟეტს დამოუკიდებელი ონლაინმედიების ერთობის, „სინათლე მედიას“ წინააღმდეგ და მათი დისკრედიტაცია და დაშინება ცადა.
პროსახელისუფლებლო “იმედი” დამოუკიდებელი ონლაინმედიების დისკრედიტაციას ცდილობს
23 ნოემბერს, პროსახელისუფლებო ტელევიზიის, „იმედის“ ეთერში გავიდა სიუჟეტი, რომელიც პლატფორმა “სინათლე მედიის” დისკრედიტაციას ისახავდა მიზნად. „სინათლე მედია“ 22 დამოუკიდებელი ონლაინმედიის გაერთიანებაა, რომელიც მას შემდეგ შეიქმნა, რაც „ქართული ოცნების“ მიერ მიღებულმა საკანონმდებლო რეგულაციებმა მედიასაშუალებები მძიმე მდგომარეობაში ჩააყენა. კერძოდ, გაზაფხულზე დამტკიცებული კანონები მედიას გრანტების მიღებას უზღუდავს, „უცხო ძალის“ გამტარებელ ორგანიზაციებად აცხადებს და სისხლის სამართლებრივი დევნის საფრთხეს უქმნის. მედიებმა გაერთიანება და საზოგადოებისთვის ფინანსური დახმარების თხოვნა გადაწყვიტეს.
