ჟურნალისტი მარინა კლიმჩუკი საქართველოში არ შემოუშვეს
„რადიო თავისუფლების“ ინფორმაციით, 8 თვის ორსული ჟურნალისტი, გერმანიის მოქალაქე მარინა კლიმჩუკი საქართველოში არ შემოუშვეს. 11 მაისს ის თბილისის საერთაშორისო აეროპორტში გააჩერეს და განუცხადეს, რომ ადმინისტრაციული სამართალდარღვევისთვის 5,000-ლარიანი ჯარიმა ჰქონდა გადასახდელი.
შალვა პაპუაშვილი პარლამენტში მედიისთვის წესების შესაძლო გამკაცრებაზე საუბრობს
პარლამენტის თავმჯდომარე შალვა პაპუაშვილი ევროპარლამენტში ტელეკომპანია „იმედისთვის“ აკრედიტაციის ერთი წლით შეჩერების შესახებ გავრცელებულ ინფორმაციას გამოეხმაურა და განაცხადა, რომ მმართველი გუნდი იმსჯელებს, გავრცელდეს თუ არა საქართველოში მსგავსი წესები.
უკრაინაში რუსეთის სრულმასშტაბიანი ომის შესახებ რუსული დეზინფორმაციის გავრცელებისთვის სანქცირებული ტელეკომპანია “იმედი” გურამ როგავას დისკრედიტაციას ცდილობს
2026 წლის 10 მაისს, დეზინფორმაციისთვის დიდი ბრიტანეთის მიერ საქნცირებულმა ტელეკომპანია “იმედმა” ჟურნალისტ გურამ როგავას წინააღმდეგ დისკრედიტაციული პოსტი გამოაქვეყნა. ტელეკომპანია “იმედი” გურამ როგავას “ნაცმოძრაობის პროგაპაგანდისტს” უწოდებს.
„მთის ამბების“ რედაქტორი, ჟურნალისტი გელა მთივლიშვილი აცხადებს, რომ 9 მაისს მას თავს დაესხა, მცირე და საშუალო ჰესების ასოციაციის ხელმძღვანელი, გიორგი მარგებაძე.
ხელვაჩაურში „აჭარა თაიმსისა“ და „ბათუმელების“ ჟურნალისტებს საქმიანობაში ხელი შეუშალეს
7 მაისს, ხელვაჩაურში „აჭარა თაიმსის“ დამფუძნებელს სულხან მესხიძეს და „ბათუმელების“ ჟურნალისტს ლელა დუმბაძეს, პროფესიული მოვალეობის შესრულებაში ხელი შეუშალეს, სავარაუდოდ, საჯარო მოხელეებმა. მათ ჟურნალისტებს სიტყვიერი შეურაცხყოფა მიაყენეს. ჟურნალსიტების თქმით, ადგილი ჰქონდა მუქარას და ფიზიკური ანგარიშსწორების მცდელობას.
პროკურატურამ გამოკითხვაზე დაიბარა ტელეკომპანია “ფორმულას” ჟურნალისტი და ტელეწამყვანი ელისო ჯარიაშვილი. როგორც ჟურნალისტი განმარტავს, საგამოძიებო უწყებაში მისი გამოკითხვა მოთხოვნილია, მისი “ფორმულას” ეთერში გასული სიუჟეტიდან გამომდინარე.
პირველ მაისს, რადიო „თავისუფლების“ რუსულენოვანმა სამსახურმა „ეხო კავკაზამ“, რომელიც რუსეთის მიერ ოკუპირებული აფხაზეთისა და ცხინვალის რეგიონების საკითხებს აქტიურად აშუქებდა, მუშაობა შეწყვიტა. განცხადება ამის შესახებ მედიამ 3 მაისს გაავრცელა.
„ტვ პირველის“ საგამოძიებო ტელეპროექტის, „შაბათის ეთერის“ 25 აპრილის სიუჟეტს ტელეკომპანიის წინააღმდეგ მიმართული განცხადებების სერია მოჰყვა. საქართველოს პროკურატურა ტელევიზიას დეზინფორმაციის გავრცელებაში ადანაშაულებს.
