არტემ გრიბულის ადვოკატის, დარია სამოდუროვას განცხადებით, მის დაცვის ქვეშ მყოფს თავისუფლების აღკვეთის ტიპი შეუცვალეს – ნახევრად ღიადან დახურულ რეჟიმზე. შესაბამისი ბრძანება გრიბულს ადვოკატის მისვლამდე ჩააბარეს და იგი, ადვოკატის ინფორმაციით, საიდუმლო სხდომის ოქმს ეფუძნება. დახურული ტიპის დაწესებულებაში მოთავსება მნიშვნელოვნად ზღუდავს სატელეფონო კომუნიკაციასა და პაემნების რაოდენობას. ადვოკატის განცხადებით, გადაწყვეტილება გასაჩივრდება.
სამოდუროვას ინფორმაციით, აღნიშნულს წინ უძღოდა ინციდენტი ციხის თანამშრომელ „მახოსთან“, რომლის დროსაც გრიბულს სიტყვიერი შეურაცხყოფა მიაყენეს და კარცერში მოთავსებითა და ახალი საქმის „შეკერვით“ დაემუქრნენ. მისი თქმით, კონფლიქტი თავდაპირველად თანამშრომელსა და სხვა პატიმარს შორის დაიწყო, რის შემდეგაც მუქარა თავად გრიბულზეც გავრცელდა.
ადვოკატი ასევე მიუთითებს, რომ, მის ხელთ არსებული ინფორმაციით, პენიტენციურმა სისტემამ სხვადასხვა მეთოდს მიმართა გრიბულის მიმართ „რისკის“ გაზრდის მიზნით. მისი შეფასებით, აღნიშნული შეიძლება უკავშირდებოდეს მის მიერ საჩივრების აქტიურ წარდგენას.
ადვოკატის განცხადებით ანალოგიური გარემოებები იკვეთება ანასტასია ზინოვკინას შემთხვევაშიც, რომლის მიმართაც თავისუფლების აღკვეთის ტიპის შეცვლის შესახებ ბრძანება უკვე გასაჩივრებულია სასამართლოში.
ციხის მონიტორინგის თანამშრომელი ამჟამად იკვლევს აღნიშნულ ინციდენტებსა და მის შემდგომ განვითარებულ მოვლენებს. ადვოკატის თქმით, მასთან შეხვედრა რამდენიმე საათის განმავლობაში გაგრძელდა.არტემ გრიბული და ანასტასია ზინოვკინა 2024 წლის 17 დეკემბერს დააკავეს. პროკურატურა მათ განსაკუთრებით დიდი ოდენობით ნარკოტიკული საშუალების შეძენა-შენახვას ედავებოდა. 2025 წლის 12 სექტემბერს სასამართლომ მათ 8.5-8.5 წლით თავისუფლების აღკვეთა მიუსაჯა. ისინი ბრალს არ აღიარებენ და აცხადებენ, რომ მათი დაკავება საქართველოში პროევროპულ საპროტესტო აქციებში მონაწილეობას უკავშირდება.
2025 წლის 4 ოქტომბერის საქმეზე ბრალდებულმა ნანა სანდერმა, სასამართლო პროცესზე მის მიმართ არაადამიანურ მოპყრობაზე ისაუბრა.
ნანა სანდერს ჯანმრთელობის პრობლემები აქვს და ის შესაბამის მკურნალობასა და სათანადო მატრასს ითხოვს. სასამართლოზე მან განაცხადა, რომ არაერთი მოთხოვნის მიუხედავად, ეს პრობლემები არ მოგვარებულა და ის ტკივილებით იტანჯება. “ცდილობენ, რომ ჩემი ტკივილები, არც არის ორთოპედიული მატრასის არქონასთან დაკავშირებული, ფსიქიკურ პრობლემებთან დააკავშირონ”, – განაცხადა მან და აღნიშნა, რომ ფსიქიატრი მას ფსიქიატრიულ დაწესებულებაში გადაყვანით დაემუქრა, ზუსტად ისე, როგორც ეს მასწავლებელ ნინო დათაშვილის შემთხვევაში მოხდა.
მან ასევე ახსენა, რომ პრობლემებს უქმნიან საკვების მიწოდების დროსაც. ნანა სანდერმა განაცხადა, რომ სპეციალური კვებითი საჭიროება აქვს (არის ვეგანი) და ვინაიდან, საპატიმროში ასეთი საკვები არ აქვთ, ის ორი დღის განმავლობაში მშიერი იყო: “განმიცხადეს, რომ შენი საჭმელი არ არსებობსო“.
შეგახსენებთ, საპატიმროში არასათანადო მოპყრობაზე საუბრობს პატიმარი, მსჯავრდებული ანასტასია ზინოვკინაც. მასაც იგივე ჯანმრთელობის პრობლემა აქვს და პრობლემის მოგვარების ნაცვლად, 15 იანვრიდან ის დახურული ტიპის თავისუფლ
პროევროპულ აქციებზე დაკავებული რუსი სამოქალაქო აქტივისტი, მსჯავრდებული ანასტასია ზინოვკინა დახურული ტიპის თავისუფლების აღკვეთის დაწესებულებაში გადაიყვანეს და ზარებისა და პაემნების რაოდენობა შეუზღუდეს.
მისი ადვოკატის დარია სამოდუროვასცნობით, 2025 წლის 12 სექტემბრიდან ანასტასია ზინოვკინა მოთავსებული იყო ნახევრად ღია ტიპის თავისუფლების აღკვეთის დაწესებულებაში. 2026 წლის 15 იანვრის ბრძანების საფუძვლად მითითებულია “საიდუმლო სხდომის ოქმი”. შესაბამისად, რა მიზეზით შეუცვალეს ანასტასია ზინოვკინას თავისუფლების აღკვეთის დაწესებულების ტიპი, უცნობია.
სპეციალური პენიტენციური სამსახურის გენერალური დირექტორის ბრძანებაში, რომელსაც ადვოკატი ავრცელებს, მითითებულია, რომ ანასტასია ზინოვკინა “საშიშროების მომატებული რისკის მსჯავრდადებულია”. ადვოკატი აცხადებს, რომ 15 იანვრის ბრძანებას უახლოეს პერიოდში გაასაჩივრებს.
ანასტასია ზინოვკინა რუსეთის მოქალაქეა, ის ვლადიმერ პუტინის საწინააღმდეგო აქციების მონაწილეა. საქართველოში 2022 წლის ბოლოს ჩამოვიდა. იგი 2024 წლის 17 დეკემბერს დააკავეს მეგობარ არტემ გრიბულთან ერთად. პროკურატურა მათ 16 გრამი ნარკოტიკული საშუალების ფლობას ედავება. სასჯელის ზომად მათ 8.5 წლიანი პატიმრობა აქვთ მისჯილი.
ანასტასია ზინოვკინა და არტემ გრიბული თბილისში გამართულ პროევროპულ აქციებში მონაწილეობდნენ – აქციის მონაწილეებს ცხელი სასმელებით ამარაგებდნენ. მათი თქმით, სწორედ ეს გახდა მათი დაკავების მიზეზი. ანასტასია ზინოვკინას მძიმე ჯანმრთელობის პრობლემა აქვს და ციხის ადმინისტრაციას უყურადღებობაში ადანაშაულებს.
“რადიო თავისუფლების” ჟურნალისტს, დავით მჭედლიძეს, რუსთავში, 33-ე საარჩევნო უბანზე სიტყვიერი შეურაცხყოფა მიაყენეს და ტელეფონის წართმევა სცადეს. ინციდენტი მოჰყვა ჟურნალისტის მცდელობას დაეფიქსირებინა უბნის მიმდებარედ მყოფი არაიდენტიფიცირებადი პირები, რომლებიც, სავარაუდოდ, უბანზე მისულ ამომრჩეველს აღრიცხავდნენ.
