სიახლეები

2025 წელს მედიის, ინფორმაციისა და სოციალური კვლევების ცენტრმა (CMIS) დააფიქსირა 357 სხვადასხვა ტიპის ინციდენტი ჟურნალისტების, მედია საშუალებებისა და მედიის უფლებებზე მომუშავე სამოქალაქო საზოგადოების ორგანიზაციების მიმართ, რა დროსაც 323 მედიის წარმომადგენელი და მედიაორგანიზაცია აღმოჩნდა ინციდენტების ადრესატი. რამდენიმე შემთხვევაში, ერთი ინციდენტი მოიცავდა ძალადობის რამდენიმე ფორმას (მაგალითად, დაკავება, რომელსაც თან ახლდა ფიზიკური ძალადობა).

2025 წლის 4 ოქტომბერს, ადგილობრივი თვითმმართველობის არჩევნებზე (რომელსაც ოპოზიცია და საზოგადოების დიდი ნაწილი არალეგიტიმურად მიიჩნევს) მედიის წარმომადგენლების მიმართ მუშაობის ხელშეშლის, მუქარის, სიტყვიერი და ფიზიკური შეურაცხყოფის არაერთი შემთხვევა დაფიქსირდა.

2025 წლის 4 ოქტომბერს, თბილისში გამართულ მასშტაბურ საპროტესტო აქციაზე დაფიქსირდა მედიის წარმომადგენლებზე სიტყვიერი და ფიზიკური თავდასხმის, მათთვის მუშაობაში ხელშეშლისა და ტექნიკის დაზიანების არაერთი შემთხვევა. ამ აქციაზე პირველად, ონლაინ მედიის ნაწილმა , სავარაუდოდ, ხელოვნურად შექმნილი შეფერხების გამო, ვერ შეძლო საჰაერო გადაღების კამერებით მუშაობა.  

„მედიის, ინფორმაციისა და სოციალური კვლევების ცენტრმა”, ბოლო ერთი წლის განმავლობაში, საქართველოში, ჟურნალისტის, მედიასაშუალებებისა და მედიის უფლებებზე მომუშავე სამოქალაქო ორგანიზაციების წინააღმდეგ მომხდარი 434 ინციდენტი აღრიცხა. ზოგ შემთხვევაში, ერთი ინციდენტის დროს, ერთდროულად რამდენიმე ტიპის დარღვევას ჰქონდა ადგილი (მაგ. დაკავება და ფიზიკური ძალადობა).

განახლებადი მონაცემები რეპრესიებში მოყოლილ რეპორტიორებზე