2025 წლის 14 თებერვალს, პროფესიული მოვალეობის შესრულების დროს გზის გადაკეტვას ედავებიან “ტაბულას” ჟურნალისტს, ბექა ჯიქურაშვილსაც.
“ტაბულას” ცნობით, ჯიქურაშვილს ეკეთა პრესის მოწმობა და სამუშაო მოვალეობას ასრულებდა.
Incident Source: სამართალდამცველი
“გზის ხელოვნურად გადაკეტვის” საფუძვლით “სტუდია მონიტორის” ჟურნალისტი ნინო შუბითიძე დააჯარიმეს
2025 წლის 17 თებერვალს, შსს-მ “სტუდია მონიტორის” ჟურნალისტი ნინო შუბითიძე დააჯარიმა 5000 ლარით გზის “უკანონოდ გადაკეტვის” საფუძვლით. ჟურნალისტმა შსს-ში წარადგინა მტკიცებულებები იმის შესახებ, რომ საპროტესტო აქციაზე ის პროფესიულ მოვალეობას ასრულებდა. მოგვიანებით, მას ეს ჯარიმა მოუხსნეს. აღსანიშნავია, რომ უმრავლეს შემთხვევაში, წარდგენილი მტკიცებულებების მიუხედავად შსს ჯარიმებს არ აუქმებს.
“გზის ხელოვნურად გადაკეტვის” საფუძვლით “სტუდია მონიტორის” ჟურნალისტი ნინო წვერავა დააჯარიმეს
2025 წლის 17 თებერვალს, შსს-მ “სტუდია მონიტორის” ჟურნალისტი ნინო წვერავა გზის “ხელოვნურად გადაკეტვის” საფუძვლით 5000 ლარით დააჯარიმა. ჟურნალისტმა შსს-ში წარადგინა მტკიცებულებები იმის შესახებ, რომ საპროტესტო აქციაზე ის პროფესიულ მოვალეობას ასრულებდა. მოგვიანებით, მას ეს ჯარიმა მოუხსნეს. აღსანიშნავია, რომ უმრავლეს შემთხვევაში, წარდგენილი მტკიცებულებების მიუხედავად შსს ჯარიმებს არ აუქმებს.
“გზის ხელოვნურად გადაკეტვის” საფუძვლით “ფორმულას” თანამშრომელი დააჯარიმეს
ტელეკომპანია “ფორმულას” კიდევ ერთ ჟურნალისტსა და ტელეწამყვანს ირაკლი ტაბლიაშვილს 2025 წლის 24 თებერვალს „გზის ხელოვნურად გადაკეტვას“ ედავებიან. ის 5 000 ლარით დააჯარიმეს. ჟურნალისტმა ჯარიმა გაასაჩივრა, თუმცა საქმის განხილვისა, თუ შედეგების შესახებ მისთვის არ უცნობებიათ.
„ქართულმა ოცნებამ“ პროევროპული პროტესტების კონტექსტში გაზარდა ჯარიმების ოდენობა, რომლებიც 28 ნოემბრის შემდეგ დაიწყო. საქართველოს ადმინისტრაციულ სამართალდარღვევათა კოდექსში შეტანილი ცვლილებების მიხედვით, გზის უკანონო გადაკეტვისთვის ჯარიმა ათჯერ გაიზარდა – 500 ლარიდან 5 000 ლარამდე.
“გზის ხელოვნურად გადაკეტვის” საფუძვლით “რადიო თბილისის” ჟურნალისტი დააჯარიმეს
“რადიო თბილისის” ჟურნალისტი მერაბ მერკვილაძე ორჯერ, 10 000 ლარით დააჯარიმეს. შინაგან საქმეთა სამინისტრო მას 18 და 19 მარტს “გზის ხელოვნურად გადაკეტვას” ედავება. ჟურნალისტმა ჯარიმა გაასაჩივრა. საქმე ამ დრომდე არ არის განხილული.
„ქართულმა ოცნებამ“ პროევროპული პროტესტების კონტექსტში გაზარდა ჯარიმების ოდენობა, რომლებიც 28 ნოემბრის შემდეგ დაიწყო. საქართველოს ადმინისტრაციულ სამართალდარღვევათა კოდექსში შეტანილი ცვლილებების მიხედვით, გზის უკანონო გადაკეტვისთვის ჯარიმა ათჯერ გაიზარდა – 500 ლარიდან 5 000 ლარამდე.
“გზის ხელოვნურად გადაკეტვის” საფუძვლით “ფორმულას” ჟურნალისტი ელისო ჯარიაშვილი დააჯარიმეს
2025 წლის 10 აპრილს, ტელეკომპანია „ფორმულას“ ჟურნალისტს ელისო ჯარიშვილს აცნობეს, რომ გზის „უკანონოდ გადაკეტვის საფუძვლით“ 5000 ლარით არის დაჯარიმებული. შსს-მ მას გზის 12 მარტს გადაკეტვას ედავება, რა დროსაც ჟურნალისტი პროფესიულ მოვალეობას ასრულებდა.
“გადაკეტილ რუსთაველზე ინტერვიუს ჩაწერისთვის მაჯარიმებენ” – დაწერა ელისო ჯარიაშვილმა.
“ნეტგაზეთის” ჟურნალისტს შსს “გზის ხელოვნურად გადაკეტვას” ედავება
“ნეტგაზეთის” ჟურნალისტმა ქეთი ხუციშვილმა CMIS მისი დაჯარიმების შესახებ ი მიაწოდა ინფორმაცია. შსს-მ “გზის ხელოვნურად გადაკეტვისთვის” ქეთი ხუციშვილი 2025 წლის 13 ივნისს დააჯარიმა. ჟურნალისტმა ჯარიმა გაასაჩივრა.
ქეთი ხუციშვილი დაჯარიმების მომენტისთვის პროფესიულ მოვალეობას ასრულებდა.
CMIS აღწერს “გზის ხელოვნურად გადაკეტვის” საფუძვლით დაჯარიმებული და ადმინისტრაციული წესით დაკავებული ჟურნალისტების შემთხვევებს.
ბათუმის საქალაქო სასამართლოში მზია ამაღლობელის წინააღმდეგ სტიკერის გაკვრის ფაქტზე ახალი სამართალდარღვევის საქმე განიხილება
9 ივნისს, ბათუმის საქალაქო სასამართლო, მზია ამაღლობელის წინააღმდეგ კიდევ ერთ სამართალდარღვევის საქმეს განიხილავს. როგორც 7 მაისს მზია ამაღლობელის წარმომადგენლისა და ახალგაზრდა იურისტთა ასოციაციის ხელმძღვანელის ნონა ქურდოვანიძის მიერ გავრცელებული ინფორმაციით გახდა ცნობილი, ჟურნალისტს შსს კიდევ ერთ სამართალდარღვევას ედავება. ამჯერად, მას შენობის იერსახის დამახინჯებას ედავებიან – 11 იანვრის აქციაზე, იმ საპროტესტო პლაკატის გაკვრისთვის, რომელიც გაკვრისთანავე ააძვრეს.
შეგახსენებთ, რომ ამ ქმედების გამო მზია ამაღლობელი მაშინვე დააკავეს ადმინისტრაციული წესით. თუმცა, როგორც მოგვიანებით გაირკვა, პლაკატის გაკვრა არ წარმოადგენს დაკავების სამართლებრივ საფუძველს, რის გამოც იგი დაახლოებით ერთ საათში გაათავისუფლეს. მოგვიანებით კი შსს-მ დაკავების გასამართლებლად სამართალდარღვევათა ოქმში პოლიციის მოთხოვნისადმი დაუმორჩილებლობა მიუთითა. ამ საქმეზე ორი ინსტანციის სასამართლომ მზია ამაღლობელი უკვე ცნო სამართალდამრღვევად და 2000 ლარით დააჯარიმა.
მიუხედავად იმისა, რომ ფაქტობრივად იგივე ქმედებაზე უკვე დადგენილია სამართალდარღვევა, ბათუმის საქალაქო სასამართლო ახლა განიხილავს იმავე საქმის ახალ სამართლებრივ კვალიფიკაციას. საქმეს მოსამართლე მარიანა ფომაევა განიხილავს, რომელიც თანამდებობაზე გამოსაცდელი ვადით 2024 წლის დეკემბერში დაინიშნა.
ჟურნალისტებს სასამართლოში პროფესიული მოვალეობის შესრულებისას ხელი შეუშალეს
2025 წლის 9 ივნისს, თბილისის საქალაქო სასამართლოს შენობაში, პროფესიული მოვალეობის შესრულებაში ხელი შეუშალეს “TV პირველის” და “პუბლიკის ჟურნალისტებს.
“პუბლიკის” ჟურნლისტს ნათია ამირანაშვილს, ნიკა კაციას საქმეზე გამოკითხვაზე მოწმის სახით დაბარებული პოლიციელი გიორგი როსოფიძე ფიზიკურად დაუპირისპირდა და კითხვის დასმის შესაძლებლობას არ აძლევდა.
ონლაინ გამოცემა „პუბლიკის“ მიერ გავრცელებულ ვიდეომასალაში ჩანს, რომ პოლიციელი ჟურნალისტ ნათია ამირანაშვილისთვის მიკროფონის წართმევას ცდილობს, პოლიციის ე.წ. თანმხლები პირები კი მას ძალით აჩერებენ და კითხვის დასმის საშუალებას არ აძლევენ. “TV პირველის” ჟურნალისტმა, ნანუკა ქაჯაიამ, გაავრცელა ვიდეო, სადაც ჩანს, თუ როგორ უშლის ხელს პროფესიული მოვალეობის შესრულებაში მას მანდატურის სამსახურის წარმომადგენელი.
შსს-მ “პუბლიკის” ჟურნალისტის საჩივარი არ დააკმაყოფილა და ჯარიმა ძალაში დატოვა
2025 წლის 6 ივნისს შსს-მ არ დააკმაყოფილა “პუბლიკის” ჟურნალისტის საჩივარი, რომელიც ჟურნალისტის 5,000 ლარით დაჯარიმებას უკავშირდებოდა — დაჯარიმების საფუძველი რუსთაველის გამზირის გადაკეტვა იყო.
ბასტი მგალობლიშვილი შინაგან საქმეთა სამინისტრომ 2025 წლის თებერვალში დააჯარიმა. ჟურნალისტმა უწყებას წარუდგინა მტკიცებულებები, რომლებიც ადასტურებდა, რომ ის პროფესიულ მოვალეობას ასრულებდა და აშუქებდა პროევროპულ საპროტესტო აქციას, რომელიც ქვეყნის მთავარ გამზირზე 2024 წლის ნოემბერში დაიწყო და დღემდე უწყვეტად გრძელდება. მგალობლიშვილის მიერ ჯარიმის გამოწერის დღეს გადაღებული ვიდეო-მასალა ადასტურებს, რომ ის ასრულებდა პროფესიულ მოვალეობას. გარდა ამისა, გავრცელებულ კადრებში ჩანს, რომ ჟურნალისტს ეკეთა პრესის ნიშანი. თუმცა, ეს გარემოება შსს-სთვის იმის დასადასტურებლად, რომ ჟურნალისტი პროფესიულ საქმიანობას ასრულებდა, საკმარისი არ აღმოჩნდა. ამის საპირისპიროდ, სხვა საქმეზე, შსს-ს წარმომადგენელი განმარტავს, რომ ჟურნალისტ მარიამ ქვაშბაიას, გზის გადაკეტვის საფუძვლით დაჯარიმების საფუძველი ის გახდა, რომ იგი არ ატარებდა შესაბამის პრესის ნიშანს, რაც დაადასტურებდა მის მიერ პროფესიული საქმიანობის შესრულების ფაქტს.
“შსს კიდევ ერთხელ ადასტურებს, რომ ქუჩაში ჟურნალისტის პროფესიული საქმიანობა გახდა დასჯადი. მედიისთვის გამოცხადებული საკანონმდებლო თუ ფიზიკური ომის ფონზე, ეს არის ძალიან საშიში პრაქტიკა – შსს მისაზღვრავდეს სად ვიმუშაო და როგორ, რას მიიჩნევს ჟურნალისტიკად და რას – არა. შსს-ს თანამშრომლებიც ადრე თუ გვიან საკუთარ ტყავზე იგრძნობენ, რატომ არის საშიში მედიისთვის ძირის გამოთხრა” – დაწერა ბასტი მგალობლიშვილმა.
2024 წლის 28 ნოემბრიდან დღემდე, საჯაროდ გავრცელებული ინფორმაციის თანახმად, მედიის დაახლოებით 36 წარმომადგენელია პროფესიული მოვალეობის შესრულების დროს დაჯარიმებული. საქმეების უმრავლესობა ამ ეტაპზე განხილვის პროცესშია. ამ დროისთვის, სასამართლომ ორი ჟურნალისტი სამართალდამრღვევად ცნო და მათ ადმინისტრაციული ჯარიმა დააკისრა.