სოციალურ ქსელში სამოქალაქო აქტივისტი თამუნა გიორგაძე წერს, რომ თბილისის საქალაქო სასამართლოს მოსამართლე მანუჩარ ცაცუამ ტასო დოლიძეს ტროტუარზე პროტესტის გამო 2-დღიანი ადმინისტრაციული პატიმრობა შეუფარდა.
ტროტუარზე პროტესტის გამო, მოქალაქეების წინააღმდეგ ადმინისტრაციული წარმოება მას შემდეგ დაიწყო, რაც “ქართულმა ოცნებამ”, 2025 წლის 12 დეკემბერს, თავისუფლების შემზღუდველი მორიგი რეპრესიული საკანონმდებლო ცვლილება მიიღო. ცვლილებები დაჩქარებული წესით, 3 დღეში განიხილეს. ამ ცვლილებებით, ფაქტობრივად, პროტესტი ტროტუარზეც აიკრძალა. პირველ შემთხვევაში გათვალისწინებულია ადმინისტრაციული პატიმრობა 15 დღემდე ვადით (ორგანიზატორისთვის – 20 დღემდე), ხოლო განმეორებით შემთხვევაში შესაძლებელია სისხლისსამართლებრივი პასუხისმგებლობის დაკისრება. “საერთაშორისო გამჭვირვალობა საქართველოს” შეფასებით: “ტროტუარზე დგომის გამო პირის პატიმრობა, თუნდაც ადმინისტრაციული წესით, რომ არაფერი ვთქვათ სისხლისსამართლებრივ სასჯელზე, ვერავითარ კრიტიკას ვერ უძლებს ვერც საქართველოს კონსტიტუციით და ვერც ადამიანის უფლებათა საერთაშორისო აქტებით უზრუნველყოფილ შეკრების თავისუფლების სტანდარტებიდან გამომდინარე”.
საპროტესტო აქციების აქტიურ მონაწილეს, ვახტანგ გაგნიძეს, მოსამართლე კობა ჩაგუნავამ 3-დღიანი ადმინისტრაციული პატიმრობა შეუფარდა.
გაგნიძის ადვოკატის, დიმიტრი ვარდიაშვილის განცხადებით, სასამართლო რამდენიმე საქმეს გაერთიანებულად განიხილავდა. მათ შორის იყო საავტომობილო გზის ხელოვნურად გადაკეტვა და ტროტუარზე გამვლელთათვის დაბრკოლების შექმნა. ორივე სამართალდარღვევა ადმინისტრაციულ სამართალდარღვევათა კოდექსის 174-ე პრიმა მუხლის მე-10 ნაწილშია გაერთიანებული. ადვოკატის თქმით, ვახტანგ გაგნიძე ჯანმრთელობის მდგომარეობის გამო პროცესს ვერ დაესწრო. მისი თქმით, მას აწუხებს ძლიერი ტკივილები და პარალელურად აგროვებს თანხას მკურნალობის ხარჯების დასაფარად.სასამართლოს გადაწყვეტილების შემდეგ გაგნიძემ სოციალურ ქსელში დაწერა: „შემეძლო, ამერიდებინა ადმინისტრაციული პატიმრობა ჩემი თავისთვის მოგეხსენებათ ჩემი ოპერაციების შესახებ და ისიც იცით, რომ რეაბილიტაციას არც თუ ისე კარგად გავდივარ. მაგრამ აქ სულ სხვანაირადაა საქმე… როდესაც ჩემს მეგობარ გოგო-ბიჭებს იჭერენ აბსურდული ბრალდებებით – თითქოს ხალხს ტროტუარზე გადაადგილების უფლებას ვუზღუდავთ, როდესაც ჩემი თანამებრძოლები წლობით სხედან ციხეში პროტესტის გამო – მე ვერ ვირბენ ფარატინა ქაღალდით ხელში და ვერ დავიწყებ ტრაბახს: „ვერ მიჭერენ, ხელშეუხებელი ვარ-მეთქი“. „მეორე საკითხიცაა: მე, რომელსაც ერთი თვის წინ ფეხს მაჭრიდნენ და გადავრჩი, ახლა ნესტში უნდა გავიარო რეაბილიტაცია. ეს, ადამიანური თვალსაზრისით, არაფერში ჯდება – შეეძლოთ, ცოტა დრო მოეცათ, რომ გამოვჯანმრთელებულიყავი და შემდეგ მოესაჯათ პატიმრობა. არაუშავს – ყველაფერი კარგად იქნება.”- დაწერა მან.
9 აპრილის მემორიალთან მომხდარი შეხლა-შემოხლისას დაკავებული სამოქალაქო აქტივისტი შაკო ბაღდოშვილი, რომელმაც თავად მიიღო ფიზიკური დაზიანებები, პოლიციის შენობაში რამდენიმე საათის განმავლობაში დააყოვნეს, ბოლოს კი გაათავისუფლეს და განაცხადეს, რომ ის მოწმის სახით იკითხებოდა.
ინციდენტი 9 აპრილს მაშინ მოხდა, როდესაც ადგილზე “ქართული ოცნების” წევრები გამოჩნდნენ. მათ გამოჩენამდე, აქციის მონაწილეებთან, რომლებმაც პარლამენტთან ღამე გაათენეს, ე.წ. ტიტუშკები მივიდნენ. აქციის მონაწილეებსა და იქ მყოფ მოქალაქეებს შორის სიტყვიერი და ფიზიკური დაპირისპირება მოხდა. აქციის მონაწილეების ინფორმაციით, უწყვეტი აქციების აქტიურ მონაწილეებს ქართული ოცნების მხარდამჭერი ფიზიკურად გაუსწორდა. შაკო ბაღდოშვილმა მძიმე დაზიანებები მიიღო, რისი კვალიც მას ნათლად ემჩნეოდა. თუმცა, მიუხედავად ამისა, პოლიციამ თავდამსხმელების ნაცვლად ბაღდოშვილი დააკავა. ადვოკატი რამდენიმე საათის განმავლობაში არკვევდა მის ადგილსამყოფელს. გვიან ღამით პოლიციამ განაცხადა, რომ ის მოწმის სახით გამოიკითხა და რამდენიმესაათიანი დაყოვნების შემდეგ, ბაღდოშვილი გაათავისუფლეს.
შეგახსენებთ, იმავე დღეს და იგივე ვითარებაში დააკავეს კიდევ ერთი აქტივისტი, შოთა ოდიშვილი, რომელსაც ბიძინა ივანიშვილის გამოსახულებიანი მაისური ეცვა, უცენზურო წარწერით. თბილისის საქალაქო სასამართლოს მოსამართლ ზვიად ცეკვავამ იგი 10-დღიან ადმინისტრაციულ პატიმრობაში გაუშვა, თითქოსდა, წვრილმან ხულიგნობისა და პოლიციისადმი დაუმორჩილებლობის საბაბით.
სამოქალაქო აქტივისტი, შოთა ოდიშვილი, რომელმაც “ქართული ოცნების” საპატიო თავმჯდომარე, ბიძინა ივანიშვილი შეურაცხმყოფელად მოიხსენია, თბილისის საქალაქო სასამართლოს მოსამართლ ზვიად ცეკვავამ 10-დღიან ადმინისტრაციულ პატიმრობაში გაუშვა.
ოდიშვილი 9 აპრილს, 9 აპრილს დაღუპულთა მემორიალთან დააკავეს მაშინ, როდესაც ადგილზე “ქართული ოცნების” წარმომადგენლები მივიდნენ და პოლიცია აქტივისტების გაყვანას ძალის გამოყენებით შეეცადა.
დაკავებულის ადვოკატის, მარიკა არევაძის ინფორმაციით, მოქალაქეს შსს-მ წვრილმან ხულიგნობასა და პოლიციისადმი დაუმორჩილებლობისთვის წაუყენა ბრალი.
თბილისის საქალაქო სასამართლოს მოსამართლე თორნიკე კაპანაძემ, 3 აპრილს, ტროტუარზე პროტესტის გამო, სამი სამოქალაქო აქტივისტი სცნო სამართალდამრღვევად. მათგან ერთს, აფხაზეთის ომის მონაწილე ზოსიმე ბჟალავას ორდღიანი ადმინისტრაციული პატიმრობა შეუფარდა, ორს – ნანიკო ბედინეიშვილს და ვიკა ძანძავას კი სიტყვიერი შენიშვნა გამოუცხადა.
ზოსიმე ბჟალავას ადვოკატის, მალხაზ პატარაიას განცხადებით, ზოსიმე ბჟალავა აფხაზეთიდან იძულებით გადაადგილებული პირია. მისი შეფასებით, სასამართლოს გადაწყვეტილება უკანონოა და შეუსაბამოა ადამიანის უფლებათა კონვენციასა და კონსტიტუციასთან.ტროტუარზე პროტესტის გამო, მოქალაქეების წინააღმდეგ ადმინისტრაციული წარმოება მას შემდეგ დაიწყო, რაც “ქართულმა ოცნებამ”, 2025 წლის 12 დეკემბერს, თავისუფლების შემზღუდველი მორიგი რეპრესიული საკანონმდებლო ცვლილებამიიღო. ცვლილებები დაჩქარებული წესით, 3 დღეში განიხილეს. ამ ცვლილებებით, ფაქტობრივად, პროტესტი ტროტუარზეც აიკრძალა. პირველ შემთხვევაში გათვალისწინებულია ადმინისტრაციული პატიმრობა 15 დღემდე ვადით (ორგანიზატორისთვის – 20 დღემდე), ხოლო განმეორებით შემთხვევაში შესაძლებელია სისხლისსამართლებრივი პასუხისმგებლობის დაკისრება. “საერთაშორისო გამჭვირვალობა საქართველოს” შეფასებით: “ტროტუარზე დგომის გამო პირის პატიმრობა, თუნდაც ადმინისტრაციული წესით, რომ არაფერი ვთქვათ სისხლისსამართლებრივ სასჯელზე, ვერავითარ კრიტიკას ვერ უძლებს ვერც საქართველოს კონსტიტუციით და ვერც ადამიანის უფლებათა საერთაშორისო აქტებით უზრუნველყოფილ შეკრების თავისუფლების სტანდარტებიდან გამომდინარე”.
ჯგუფური ძალადობის ბრალდებით, 2025 წლის აგვისტოში დაკავებული სამოქალაქო აქტივისტები, თორნიკე თოშხუა და მინდია შერვაშიძე, მოსამართლემ დამნაშავედ ცნო და ორივე მათგანს ერთი წლის ვადით თავისუფლების აღკვეთა მიუსაჯა. გადაწყვეტილება თბილისის საქალაქო სასამართლოს მოსამართლე ელენე გოგუაძემ 1 აპრილს გამოაცხადა. სასჯელის მოხდის ვადა დაკავების დღიდან აითვლება.
37 წლის თორნიკე თოშხუა და 33 წლის მინდია შერვაშიძე, რუსთაველზე მიმდინარე პროევროპული პროტესტის მონაწილეები არიან. ისინი 16 აგვისტოს დააკავეს. ინციდენტი კი 1-ელ აგვისტოს მოხდა. ამ დღეს აქტივისტებმა რუსთაველის გამზირზე დანით შეიარაღებული ადამიანის – “ქართული ოცნების” მხარდამჭერის ბექა გოცირიძის ადგილიდან გაყვანა სცადეს, რომელიც ადგილზე პროვოკაციის მოწყობას ცდილობდა. მცდელობას ინციდენტი მოჰყვა. მოგვიანებით, აქტივისტების წინააღმდეგ პროკურატურამ ჯგუფური ძალადობის მუხლით აღძრა საქმე (სისხლის სამართლის კოდექსის 126-ე პირველი პრიმა მუხლის „ბ“ ქვეპუნქტი). სასამართლომ არ გაიზიარა დაცვის მხარის მოსაზრება, რომ ბრალდებულებული აუცილებელი მოგერიების ფარგლებში მოქმედებდნენ. იურისტებმა ეს საშიშ პრეცენდენტად შეაფასეს.
სამოქალაქო აქტივისტი სპარტაკ წილკაური, სამართალდამრღვევად სცნეს ტროტუარზე პროტესტის გამო და 4-დღიანი ადმინისტრაციული პატიმრობაშეუფარდეს.
ტროტუარზე პროტესტის გამო, მოქალაქეების წინააღმდეგ ადმინისტრაციული წარმოება მას შემდეგ დაიწყო, რაც “ქართულმა ოცნებამ”, 2025 წლის 12 დეკემბერს, თავისუფლების შემზღუდველი მორიგი რეპრესიული საკანონმდებლო ცვლილებამიიღო. ცვლილებები დაჩქარებული წესით, 3 დღეში განიხილეს. ამ ცვლილებებით, ფაქტობრივად, პროტესტი ტროტუარზეც აიკრძალა. პირველ შემთხვევაში გათვალისწინებულია ადმინისტრაციული პატიმრობა 15 დღემდე ვადით (ორგანიზატორისთვის – 20 დღემდე), ხოლო განმეორებით შემთხვევაში შესაძლებელია სისხლისსამართლებრივი პასუხისმგებლობის დაკისრება. “საერთაშორისო გამჭვირვალობა საქართველოს” შეფასებით: “ტროტუარზე დგომის გამო პირის პატიმრობა, თუნდაც ადმინისტრაციული წესით, რომ არაფერი ვთქვათ სისხლისსამართლებრივ სასჯელზე, ვერავითარ კრიტიკას ვერ უძლებს ვერც საქართველოს კონსტიტუციით და ვერც ადამიანის უფლებათა საერთაშორისო აქტებით უზრუნველყოფილ შეკრების თავისუფლების სტანდარტებიდან გამომდინარე”.
სამოქალაქო აქტივისტი, ვახტანგ რამიშვილი, ტროტუარზე პროტესტის გამო სამართალდამრღვევად სცნეს და 4-დღიანი პატიმრობა შეუფარდეს. გადაწყვეტილება თბილისის საქალაქო სასამართლოს მოსამართლე თორნიკე კაპანაძემ მიიღო. შინაგან საქმეთა სამინისტრო ვახტანგ რამიშვილს ტროტუარზე გამვლელთათვის დაბრკოლების შექმნას ედავებოდა.
ტროტუარზე პროტესტის გამო, მოქალაქეების წინააღმდეგ ადმინისტრაციული წარმოება მას შემდეგ დაიწყო, რაც “ქართულმა ოცნებამ”, 2025 წლის 12 დეკემბერს, თავისუფლების შემზღუდველი მორიგი რეპრესიული საკანონმდებლო ცვლილებამიიღო. ცვლილებები დაჩქარებული წესით, 3 დღეში განიხილეს. ამ ცვლილებებით, ფაქტობრივად, პროტესტი ტროტუარზეც აიკრძალა. პირველ შემთხვევაში გათვალისწინებულია ადმინისტრაციული პატიმრობა 15 დღემდე ვადით (ორგანიზატორისთვის – 20 დღემდე), ხოლო განმეორებით შემთხვევაში შესაძლებელია სისხლისსამართლებრივი პასუხისმგებლობის დაკისრება. “საერთაშორისო გამჭვირვალობა საქართველოს” შეფასებით: “ტროტუარზე დგომის გამო პირის პატიმრობა, თუნდაც ადმინისტრაციული წესით, რომ არაფერი ვთქვათ სისხლისსამართლებრივ სასჯელზე, ვერავითარ კრიტიკას ვერ უძლებს ვერც საქართველოს კონსტიტუციით და ვერც ადამიანის უფლებათა საერთაშორისო აქტებით უზრუნველყოფილ შეკრების თავისუფლების სტანდარტებიდან გამომდინარე”.
მედიის განვითარების ფონდის (MDF) თანამშრომელ ანი ქისტაურს 2-დღიანი ადმინისტრაციული პატიმრობა შეეფარდა. შესაბამისი გადაწყვეტილება მოსამართლე დავით მაკარაძემ მიიღო.
შინაგან საქმეთა სამინისტრომ ქისტაურის მიმართ ადმინისტრაციული სამართალდარღვევის ოქმი ტროტუარზე დგომის გამო შეადგინა. საქმე ეხება 2025 წლის 17 და 18 დეკემბერს, პარლამენტის წინ, პროევროპული საპროტესტო აქციის მიმდინარეობისას მის ყოფნას.
სასამართლო სხდომაზე სამინისტროს წარმომადგენელმა, თეკლა კობახიძემ, აღნიშნა, რომ ქისტაურის იქ ყოფნის პერიოდში მოქალაქეებს უწევდათ ავტობუსის ზოლზე გადასვლა და გადაადგილების გაგრძელება, რაც, მისი შეფასებით, ქვეითთა გადაადგილებისთვის დაბრკოლებას წარმოადგენდა. ამ საფუძვლით მან მოითხოვა ქისტაურის სამართალდამრღვევად ცნობა.
ამასთან, სამინისტროს წარმომადგენელმა ვერ დაასაბუთა, რის საფუძველზე მიიჩნევდნენ, რომ ბასლაინზე გადასული პირები არ იყვნენ აქციის მონაწილეები და მათ გადაადგილებაში რეალურად შეექმნათ დაბრკოლება, მიუთითა მხოლოდ საკუთარ შეფასებაზე.საქმის განხილვის ეტაპზე ადვოკატმა მარიამ ჯიქიამ ორი შუამდგომლობა დააყენა: მან მოითხოვა საქმის შეწყვეტა იმ საფუძვლით, რომ შესაბამისი სამართლებრივი ნორმა გასაჩივრებულია საკონსტიტუციო სასამართლოში, ასევე ითხოვა იმ პატრულ-ინსპექტორების დაკითხვა, რომლებმაც სამართალდარღვევის ოქმები შეადგინეს. მოსამართლე დავით მაკარაძემ არცერთი შუამდგომლობა არ დააკმაყოფილა.
სამოქალაქო აქტივისტ მარიამ ყიფიანს ტროტუარზე დგომის საფუძვლით 2-დღიანი ადმინისტრაციული პატიმრობა შეეფარდა. გადაწყვეტილება მოსამართლე დავით მაკარაძემ მიიღო.
შსს-ს წარმომადგენელმა, თეკლა კობახიძემ, სასამართლო სხდომაზე აღნიშნა, რომ საპროტესტო აქციის მიმდინარეობისას ყიფიანი პარლამენტის წინ იდგა იმ მიზნით, რომ განზრახ შეექმნა დაბრკოლება ქვეითთა გადაადგილებისთვის. მისივე განცხადებით, აქციის მონაწილეებს ჰქონდათ დაკავებული საფეხმავლო ბილიკი და ამ ფორმით გამოხატავდნენ პროტესტს. ამასთან, მან მოითხოვა ყიფიანის სამართალდამრღვევად ცნობა, თუმცა არ დაუკონკრეტებია, სად შეიძლებოდა პროტესტის გამოხატვა, იმ პირობებში, როდესაც მოქმედი კანონმდებლობით საავტომობილო გზის გადაკეტვაც ანალოგიურად ისჯება.
სხდომაზე შინაგან საქმეთა სამინისტრომ წარმოადგინა 112-ის სამეთვალყურეო კამერების ჩანაწერები, რომლებშიც ჩანს, რომ რამდენიმე მოქალაქე პარლამენტის მიმდებარე ტერიტორიაზე გადაადგილებისას ტროტუარიდან ბასლაინზე გადადის. უწყების წარმომადგენლის განცხადებით, აღნიშნული პირები არ იყვნენ აქციის მონაწილეები და მათ ბასლაინზე გადასვლა მოუწიათ იმის გამო, რომ ტროტუარი სრულად იყო დაკავებული.
დაცვის მხარემ იკითხა, ჰქონდათ თუ არა აღნიშნულ მოქალაქეებს რაიმე პრეტენზია, რაზეც სამინისტროს წარმომადგენელმა მიუთითა, რომ მათთან კომუნიკაცია არ ყოფილა. კითხვაზე, რა საფუძველზე მიიჩნევდნენ, რომ ისინი არ იყვნენ აქციის მონაწილეები და გადაადგილებაში დაბრკოლდნენ, თეკლა კობახიძემ განაცხადა: „დარწმუნებული ვარ“.
