სამოქალაქო აქტივისტ ბაია მარგიშვილის წინააღმდეგ, რომელიც გზის გადაკეტვის ბრალდებით უკვე ორჯერ იყო ადმინისტრაციულ პატიმრობაში, ახალი ადმინისტრაციული სამართალწარმოება დაიწყო.
შინაგან საქმეთა სამინისტრო ბაია მარგიშვილს სამართალდამცველების შეურაცხყოფას ედავება. აღნიშნული ქმედება ადმინისტრაციულ სამართალდარღვევათა კოდექსით ისჯება 500-დან 6 000 ლარამდე ჯარიმით ან ადმინისტრაციული პატიმრობით 60 დღემდე ვადით.
ბაია მარგიშვილის განცხადებით, საქმე ეხება გენერალური ინსპექციის პროკურორ ირაკლი ცირეკიძის, დაზარალებულის კოორდინატორ ანა გამეზარდაშვილის და პროკურორ გიორგი დოლაკიძის მიმართ გაკეთებულ განცხადებებს. ისინი მისი ორი წლის წინ შეტანილი სექსუალური ძალადობის საქმის გამოძიებაში იყვნენ ჩართული. მარგიშვილის თქმით, აღნიშნული საქმე ამ დრომდე გამოუძიებელია, ხოლო ამჯერად მას სწორედ ამ საქმის პროკურორებისა და კოორდინატორის შეურაცხყოფას ედავებიან.
4 მარტს, საქმე თბილისის საქალაქო სასამართლოს მოსამართლე თორნიკე კაპანაძემ განიხილა და მარგიშვილი ადმინისტრაციულ სამართალდამრღვევად ცნო და 3 500 ლარის ოდენობით დააჯარიმა. მარგიშვილის თქმით, ის სასამართლო პროცესებს არ დასწრებია და დაკისრებული ჯარიმის გადახდას არ აპირებს. ამასთან, მის წინააღმდეგ სასამართლოში სისხლის სამართლის საქმეც განიხილება – სასამართლო მასალების დახევის ფაქტზე, რის გამოც მას 2 წლამდე თავისუფლების აღკვეთა ემუქრება. ამ საქმეზე ბაია მარგიშვილს აღკვეთის ღონისძიების სახით გირაო აქვს შეფარდებული, თუმცა მას არ ჰყავს კერძო ადვოკატი და არ თანამშრომლობს საგამოძიებო უწყებებთან. მისი განცხადებით, ის გირაოს გადახდას არ აპირებს. მარგიშვილის თქმით, გირაოს გადახდის ვადა 11 მარტს იწურება, რის შემდეგაც არ გამორიცხავს, რომ აღკვეთის ღონისძიება პატიმრობით შეიცვალოს.
2 მარტს, თბილისის საქალაქო სასამართლოს მოსამართლე მანუჩარ ცაცუამ აქციების აქტიური მონაწილე, ლევან სამადაშვილი სამართალდამრღვევად ცნო და 4-დღიანი ადმინისტრაციული პატიმრობა შეუფარდა. შინაგან საქმეთა სამინისტრო მას 7 თებერვალს აქციის დროს საავტომობილო გზის გადაკეტვას ედავებოდა.
2025 წლის 16 ოქტომბერს „ქართულმა ოცნებამ” მიიღო საკანონმდებლო ცვლილებები სისხლის სამართლისა და ადმინისტრაციულ სამართალდარღვევათა კოდექსებში, რომლებიც მნიშვნელოვნად ზღუდავს დემონსტრანტების მიერ მშვიდობიანი პროტესტის გამოხატვის ფორმებს. ცვლილებების მიხედვით, ადმინისტრაციულ სამართალდარღვევათა კოდექსის 174¹ მუხლს დაემატა მე-10 ნაწილი, რომლის მიხედვითაც შეკრებისა და მანიფესტაციის მონაწილე რიგი ქმედებების ჩადენის შემთხვევაში უალტერნატივოდ ადმინისტრაციული პატიმრობით დაისჯება. ასეთ ქმედებებს შორისაა, მათ შორის, სახის ნიღბით ან სხვა საშუალებით დაფარვა, ცრემლმდენი ან სხვა მსგავსი ნივთიერებების ქონა, ტრანსპორტის ან ქვეითთა გადაადგილებისთვის განზრახ დაბრკოლების შექმნა, დროებითი კონსტრუქციის მოწყობა ან ტრანსპორტის სავალი ნაწილის ნაწილობრივ ან სრულად გადაკეტვა.
აღნიშნული მუხლის დარღვევა ითვალისწინებს ადმინისტრაციულ პატიმრობას 15 დღემდე ვადით, ხოლო თუ სამართალდამრღვევი ორგანიზატორია – 20 დღემდე ვადით. ამავე ცვლილებებით სისხლის სამართლის კოდექსშიც შევიდა ცვლილებები, რომლის თანახმადაც ზემოთ აღწერილი ქმედებების განმეორებით, ერთი წლის განმავლობაში ხელმეორედ დარღვევის შემთხვევაში ქმედება სისხლის სამართლის წესით დაისჯება.
2 მარტს, თბილისის საქალაქო სასამართლოს მოსამართლემ ნინო ენუქიძემ ტროტუარზე პროტესტის გამო სამოქალაქო აქტივისტი სანდრო მირცხულავა სამართალდამრღვევად ცნო, თუმცა ადმინისტრაციული პასუხისმგებლობისგან გაათავისუფლა და სიტყვიერი შენიშვნა გამოუცხადა. მირცხულავას შინაგან საქმეთა სამინისტრო ქვეითთა გადაადგილებისთვის დაბრკოლების შექმნას ედავებოდა.
19 თებერვალს გამართულ პროცესზე ნინო ენუქიძემ სანდრო მირცხულავას საქმის განხილვა გადადო და მოტივად საკონსტიტუციო სასამართლოში შეტანილი სარჩელი დაასახელა.
5 თებერვალს საკონსტიტუციო სასამართლოში დარეგისტრირდა სარჩელი„სანდრო მირცხულავა საქართველოს პარლამენტის და საქართველოს შინაგან საქმეთა მინისტრის წინააღმდეგ“, რომელიც შეკრებებისა და მანიფესტაციების შესახებ კანონში შეტანილი ცვლილებების კონსტიტუციურობას ასაჩივრებს. თუმცა მოგვიანებით სასამართლომ განხილვის გაგრძელება გადაწყვიტა.
ტროტუარზე პროტესტის გამო, მოქალაქეების წინააღმდეგ ადმინისტრაციული წარმოება მას შემდეგ დაიწყო, რაც “ქართულმა ოცნებამ”, 2025 წლის 12 დეკემბერს, თავისუფლების შემზღუდველი მორიგი რეპრესიული საკანონმდებლო ცვლილებამიიღო. ცვლილებები დაჩქარებული წესით, 3 დღეში განიხილეს. ამ ცვლილებებით, ფაქტობრივად, პროტესტი ტროტუარზეც აიკრძალა. პირველ შემთხვევაში გათვალისწინებულია ადმინისტრაციული პატიმრობა 15 დღემდე ვადით (ორგანიზატორისთვის – 20 დღემდე), ხოლო განმეორებით შემთხვევაში შესაძლებელია სისხლისსამართლებრივი პასუხისმგებლობის დაკისრება. “საერთაშორისო გამჭვირვალობა საქართველოს” შეფასებით: “ტროტუარზე დგომის გამო პირის პატიმრობა, თუნდაც ადმინისტრაციული წესით, რომ არაფერი ვთქვათ სისხლისსამართლებრივ სასჯელზე, ვერავითარ კრიტიკას ვერ უძლებს ვერც საქართველოს კონსტიტუციით და ვერც ადამიანის უფლებათა საერთაშორისო აქტებით უზრუნველყოფილ შეკრების თავისუფლების სტანდარტებიდან გამომდინარე”
“საქართველოს ახალგაზრდა იურისტთა ასოციაციის” იურისტი, გიორგი გოცირიძე, ტროტუარზე პროტესტისთვის სასამართლოში დაიბარეს. სასამართლო პროცესი 16 მარტს არის ჩანიშნული. უკვე ცნობილია, რომ გიორგი გოცირიძის საქმეს თბილისის საქალაქო სასამართლოს მოსამართლე დავით მაკარაძე განიხილავს.
“გიორგი გამოცდილი კონსტიტუციონალისტია და იგი მრავალი წელია მუშაობს, მათ შორის, გამოხატვის თავისუფლების, შეკრების თავისუფლების საკითხებზე საქართველოში. დღეს ის თავად გახდა ანტიკონსტიტუციური მოწესრიგების სამიზნე. ტროტუარზე დგომის გამო პირის პასუხისმგებლობის საკითხის დაყენება არის კონსტიტუციით გარანტირებული შეკრების თავისუფლების გაუმართლებელი შეზღუდვა”, – წერს “საქართველოს ახალგაზრდა იურისტთა ასოციაცია”.
ტროტუარზე პროტესტის გამო, მოქალაქეების წინააღმდეგ ადმინისტრაციული წარმოება მას შემდეგ დაიწყო, რაც “ქართულმა ოცნებამ”, 2025 წლის 12 დეკემბერს, თავისუფლების შემზღუდველი მორიგი რეპრესიული საკანონმდებლო ცვლილებამიიღო. ამ ცვლილებით, ფაქტობრივად, პროტესტი ტროტუარზეც აიკრძალა. პირველ შემთხვევაში გათვალისწინებულია ადმინისტრაციული პატიმრობა 15 დღემდე ვადით (ორგანიზატორისთვის – 20 დღემდე), ხოლო განმეორებით შემთხვევაში შესაძლებელია სისხლისსამართლებრივი პასუხისმგებლობის დაკისრება. “საერთაშორისო გამჭვირვალობა საქართველოს” შეფასებით, “ტროტუარზე დგომის გამო პირის პატიმრობა, თუნდაც ადმინისტრაციული წესით, რომ არაფერი ვთქვათ სისხლისსამართლებრივ სასჯელზე, ვერავითარ კრიტიკას ვერ უძლებს ვერც საქართველოს კონსტიტუციით და ვერც ადამიანის უფლებათა საერთაშორისო აქტებით უზრუნველყოფილ შეკრების თავისუფლების სტანდარტებიდან გამომდინარე”. ე.წ. “ტროტუარის საქმეზე” უკვე 20-ზე მეტი აქტივისტი ცნეს სამართალდამრღვევად. მათგან, ნაწილს ადმინისტრაციული პატიმრობა შეუფარდეს, ნაწილს კი (უმეტესად ქალებს) სიტყვიერი შენიშვნა გამოუცხადეს. არაერთი აქტივისტის წინააღმდეგ ადმინისტრაციული წარმოება დაწყებულია, საქმეზე სასამართლო კი ჯერ არ ჩანიშნულა.
თბილისის საქალაქო სასამართლოს მოსამართლე დავით მაკარიძემ, ტროტუარზე პროტესტის გამო, სამოქალაქო აქტივისტი, საქართველოს ტექნიკური უნივერსიტეტის პროფესორი, თემურ ბერიანიძე სამართალდამრღვევად ცნო და 5000-ლარიანი ჯარიმა დააკისრა.
თემურ ბერიანიძე აფხაზეთის ომის ვეტერანია და მას შეზღუდული შესაძლებლობის მქონე პირის სტატუსი აქვს. შინაგან საქმეთა სამინისტრო ბერიანიძეს 2025 წლის 17 დეკემბერს, თბილისში, საქართველოს პარლამენტთან ტროტუარზე ქვეითთა გადაადგილებისთვის დაბრკოლების შექმნას ედავებოდა.
ტროტუარზე პროტესტის გამო, მოქალაქეების წინააღმდეგ ადმინისტრაციული წარმოება მას შემდეგ დაიწყო, რაც “ქართულმა ოცნებამ”, 2025 წლის 12 დეკემბერს, თავისუფლების შემზღუდველი მორიგი რეპრესიული საკანონმდებლო ცვლილებამიიღო. ამ ცვლილებით, ფაქტობრივად, პროტესტი ტროტუარზეც აიკრძალა. პირველ შემთხვევაში გათვალისწინებულია ადმინისტრაციული პატიმრობა 15 დღემდე ვადით (ორგანიზატორისთვის – 20 დღემდე), ხოლო განმეორებით შემთხვევაში შესაძლებელია სისხლისსამართლებრივი პასუხისმგებლობის დაკისრება. “საერთაშორისო გამჭვირვალობა საქართველოს” შეფასებით, “ტროტუარზე დგომის გამო პირის პატიმრობა, თუნდაც ადმინისტრაციული წესით, რომ არაფერი ვთქვათ სისხლისსამართლებრივ სასჯელზე, ვერავითარ კრიტიკას ვერ უძლებს ვერც საქართველოს კონსტიტუციით და ვერც ადამიანის უფლებათა საერთაშორისო აქტებით უზრუნველყოფილ შეკრების თავისუფლების სტანდარტებიდან გამომდინარე”. ე.წ. “ტროტუარის საქმეზე” უკვე 20-ზე მეტი აქტივისტის სასამართლო პროცესი იყო. მათგან, ნაწილს ადმინისტრაციული პატიმრობა შეუფარდეს, ნაწილს კი (უმეტესად ქალებს) სიტყვიერი შენიშვნა გამოუცხადეს. არაერთი აქტივისტის წინააღმდეგ ადმინისტრაციული წარმოება დაწყებულია, სასამართლო კი ჯერ არ ჩანიშნულა.
თბილისის საქალაქო სასამართლოს მოსამართლე დავით მაკარაძემ, კიდევ ორი სამოქალაქო აქტივისტი ცნო სამართალდამრღვევად საავტომობილო გზის გადაკეტვის ბრალდებით. მათგანს ერთს – ზურა პაპიაშვილს ოთხდღიანი პატიმრობა შეუფარდა, მეორეს – თამო გოგოლიძეს კი სიტყვიერი შენიშვნა გამოუცხადა.
ზურა პაპიაშვილს შინაგან საქმეთა სამინისტრო 2026 წლის 31 იანვარს, თბილისში, რუსთაველის გამზირზე, “შაბათის მარშზე”, საავტომობილო გზის გადაკეტვას ედავებოდა. თამო გოგოლიძეს კი, ასევე “შაბათის მარშზე” საავტომობილო გზის გადაკეტვას – 2026 წლის 7 თებერვალს.
საავტომობილო გზის გადაკეტვა, “ქართული ოცნების” მიერ მიღებული რეპრესიული საკანონმდებლო ცვლილებების თანახმად, დასჯადი გახდა. აღნიშნული იკრძალება ადმინისტრაციულ სამართალდარღვევათა კოდექსის 174-ე პრიმა მუხლის მე-10 ნაწილით. მოგვიანებით, ამავე მუხლში გაერთიანდა – ტროტუარზე დგომაც, რის გამოც, ასევე ასამართლებენ აქციის მონაწილეებს. აღნიშნული მუხლის დარღვევა ითვალისწინებს ადმინისტრაციულ პატიმრობას 15 დღემდე ვადით (ორგანიზატორისთვის 20 დღემდე ვადით). ადმინისტრაციული პატიმრობა არ შეეფარდება ორსულ ქალს, დედას, რომელსაც ჰყავს 12 წლამდე ასაკის ბავშვი, 18 წლის ასაკს მიუღწეველ პირს, მკვეთრად ან მნიშვნელოვნად გამოხატული შეზღუდული შესაძლებლობის მქონე პირს. მათ დაეკისრება ჯარიმა 5 000 ლარის ოდენობით, ხოლო თუ ორგანიზატორია − 15 000 ლარის ოდენობით. იგივე “დანაშაულის” განმეორებით ჩადენა სისხლის სამართლის პასუხისმგებლობას იწვევს.
სინდისის პატიმრის, რუსი აქტივისტის, არტემ გრიბულის ადვოკატის, დარია სამოდუროვას განცხადებით, მისი დაცვის ქვეშ მყოფს, არტემ გრიბულს ციხის თანამშრომელმა სიტყვიერი შეურაცხყოფა მიაყენა და კარცერში გამოკეტვითა და ახალი საქმის „შეკერვით“ დაემუქრა.
სამოდუროვას ინფორმაციით, თავდაპირველად კონფლიქტი ციხის თანამშრომელ ვინმე მახოსა და გრიბულის თანამესაკნეს შორის დაიწყო, რის შემდეგაც თანამშრომელმა პატიმარი კარცერში გადაიყვანა, ხოლო არტემ გრიბულსა და საკანში მყოფ სხვა პატიმრებს მისი ნივთების მოგროვება დაავალა.
ადვოკატის თქმით, გრიბულის მხრიდან უარის თქმას მოჰყვა სიტყვიერი შეურაცხყოფა და მუქარა კარცერში მოთავსების შესახებ. დარია სამოდუროვას მიხედვით, ამ კონფლიქტის განმუხტვას ციხის სხვა თანამშრომლები შეეცადნენ.
ანტონ გრიბული შეყვარებულთან, ანასტასია ზინოვკინასთან ერთად 2024 წლის 17 დეკემბერს დააკავეს. პროკურატურა მათ განსაკუთრებით დიდი ოდენობით ნარკოტიკული ნივთიერების შეძენა-შენახვას ედავებოდა. 2025 წლის 12 სექტემბერს მოსამართლე ნინო გალუსტაშვილმა მათ 8,5-8,5 წლით პატიმრობა მიუსაჯა. ისინი ბრალს არ აღიარებენ და აცხადებენ, რომ დააკავეს საქართველოში, პროევროპულ აქციებში მონაწილეობის გამო. გრიბული და ზინოვკინა რუსეთს მოქალაქეები არიან და საქართველოში დროებით ცხოვრობდნენ. იმ რამდენიმე თვის განმავლობაში, სანამ თბილისში ცხოვრობდნენ, პროევროპულ საპროტესტო აქციებში იღებდნენ მონაწილეობას.
თბილისის სააპელაციო სასამართლოს მოსამართლე პაატა სილაგაძემ ძალაში დატოვა 2024 წლის დეკემბერში, პროევროპული საპროტესტო აქციების დროს დაკავებული დავით ხომერიკის განაჩენი.
დავით ხომერიკს, აფეთქების მომზადების ბრალდებით, თბილისის საქალაქო სასამართლოს მოსამართლე ნინო გალუსტაშვილმა 4 წლითა და 6 თვით თავისუფლების აღკვეთა მიუსაჯა. პროკურატურის ვერსიით, ხომერიკს ცეცხლგამჩენი მოწყობილობა ჰქონდა თან. დაცვის მხარე ამ ბრალდებას უარყოფს, ის საპელაციო სასამართლოში დავით ხომერიკის უდანაშაულოდ ცნობას მოითხოვდა.
დავით ხომერიკის საქმეზე საქართველოს სახალხო დამცველის აპარატს სასამართლოს მეგობრის მოსაზრება აქვს გამოქვეყნებული. სახალხო დამცველის აპარატი მიიჩნევს, რომ დეკემბერში აქციების დროს დაკავებული დავით ხომერიკის გამამტყუნებელი განაჩენი ემყარება სისხლის სამართლის საპროცესო კანონმდებლობის დარღვევით მოპოვებულ მტკიცებულებს.
გზის გადაკეტვის საბაბით, თბილისის საქალაქო სასამართლომ, სამოქალაქო აქტივისტი ნიკოლოზ ტყემალაძე სამართალდამრღვევად ცნო და ხუთდღიანი ადმინისტრაციული პატიმრობა შეუფარდა. გადაწყვეტილება მოსამართლე დავით მაკარაძემ მიიღო.
შინაგან საქმეთა სამინისტრო ტყემალაძეს 2026 წლის 7 თებერვალს, რუსთაველის გამზირზე, “შაბათის მარშზე” საავტომობილო გზის გადაკეტვას ედავებოდა.
საავტომობილო გზის გადაკეტვა, “ქართული ოცნების” მიერ მიღებული რეპრესიული საკანონმდებლო ცვლილებების თანახმად, დასჯადი გახდა. აღნიშნული იკრძალება ადმინისტრაციულ სამართალდარღვევათა კოდექსის 174-ე პრიმა მუხლის მე-10 ნაწილით. მოგვიანებით, ამავე მუხლში გაერთიანდა – ტროტუარზე დგომაც, რის გამოც, ასევე ასამართლებენ აქციის მონაწილეებს. აღნიშნული მუხლის დარღვევა ითვალისწინებს ადმინისტრაციულ პატიმრობას 15 დღემდე ვადით (ორგანიზატორისთვის 20 დღემდე ვადით). ადმინისტრაციული პატიმრობა არ შეეფარდება ორსულ ქალს, დედას, რომელსაც ჰყავს 12 წლამდე ასაკის ბავშვი, 18 წლის ასაკს მიუღწეველ პირს, მკვეთრად ან მნიშვნელოვნად გამოხატული შეზღუდული შესაძლებლობის მქონე პირს. მათ დაეკისრება ჯარიმა 5 000 ლარის ოდენობით, ხოლო თუ ორგანიზატორია − 15 000 ლარის ოდენობით. იგივე “დანაშაულის” განმეორებით ჩადენა სისხლის სამართლის პასუხისმგებლობას იწვევს.
თბილისის საქალაქო სასამართლოს მოსამართლე დავით მაკარაძემ, “შაბათის მარშზე” საავტომობილო გზის გადაკეტვის ბრალდებით, სამოქალაქო აქტივისტი ნუკი მაისურაძე სამართალდამრღვევად ცნო და სიტყვიერი შენიშვნა გამოუცხადა. შინაგან საქმეთა სამინისტრო მაისურაძეს 7 თებერვალს რუსთაველის გამზირზე საავტომობილო გზის გადაკეტვას ედავებოდა.
საავტომობილო გზის გადაკეტვა, “ქართული ოცნების” მიერ მიღებული რეპრესიული საკანონმდებლო ცვლილებების თანახმად, დასჯადი გახდა. აღნიშნული იკრძალება ადმინისტრაციულ სამართალდარღვევათა კოდექსის 174-ე პრიმა მუხლის მე-10 ნაწილით. მოგვიანებით, ამავე მუხლში გაერთიანდა – ტროტუარზე დგომაც, რის გამოც, ასევე ასამართლებენ აქციის მონაწილეებს. აღნიშნული მუხლის დარღვევა ითვალისწინებს ადმინისტრაციულ პატიმრობას 15 დღემდე ვადით (ორგანიზატორისთვის 20 დღემდე ვადით). ადმინისტრაციული პატიმრობა არ შეეფარდება ორსულ ქალს, დედას, რომელსაც ჰყავს 12 წლამდე ასაკის ბავშვი, 18 წლის ასაკს მიუღწეველ პირს, მკვეთრად ან მნიშვნელოვნად გამოხატული შეზღუდული შესაძლებლობის მქონე პირს. მათ დაეკისრება ჯარიმა 5 000 ლარის ოდენობით, ხოლო თუ ორგანიზატორია − 15 000 ლარის ოდენობით. იგივე “დანაშაულის” განმეორებით ჩადენა სისხლის სამართლის პასუხისმგებლობას იწვევს.
