თბილისის საქალაქო სასამართლოს მოსამართლე დავით მაკარიძემ, ტროტუარზე პროტესტის გამო, სამოქალაქო აქტივისტი, ანასტასია დოლიძე სამართალდამრღვევად ცნო და სიტყვიერი შენიშვნა გამოუცხადა. შსს ანასტასია დოლიძეს 18 დეკემბერს პარლამენტთან ტროტუარზე გამვლელებისთვის დაბრკოლების შექმნას ედავებოდა.
ანასტასია დოლიძე ტროტუარზე მე-16 აქტივისტია, ვინც ამ საფუძვლით დაიბარეს სასამართლოში. ამ 16 ადამიანიდან, 8-ს ადმინისტრაციული პატიმრობა შეუფარდეს, ზოგს 4, ზოგს კი 5 დღით, 8-ს კი (უმეტესად ქალებს) სიტყვიერი შენიშვნა გამოუცხადეს.
ტროტუარზე პროტესტის გამო, მოქალაქეების წინააღმდეგ ადმინისტრაციული წარმოება მას შემდეგ დაიწყო, რაც “ქართულმა ოცნებამ”, 2025 წლის 12 დეკემბერს, თავისუფლების შემზღუდველი მორიგი რეპრესიული საკანონმდებლო ცვლილებამიიღო. ამ ცვლილებით, ფაქტობრივად, პროტესტი ტროტუარზეც აიკრძალა. პირველ შემთხვევაში გათვალისწინებულია ადმინისტრაციული პატიმრობა 15 დღემდე ვადით (ორგანიზატორისთვის – 20 დღემდე), ხოლო განმეორებით შემთხვევაში შესაძლებელია სისხლისსამართლებრივი პასუხისმგებლობის დაკისრება. “საერთაშორისო გამჭვირვალობა საქართველოს” შეფასებით, “ტროტუარზე დგომის გამო პირის პატიმრობა, თუნდაც ადმინისტრაციული წესით, რომ არაფერი ვთქვათ სისხლისსამართლებრივ სასჯელზე, ვერავითარ კრიტიკას ვერ უძლებს ვერც საქართველოს კონსტიტუციით და ვერც ადამიანის უფლებათა საერთაშორისო აქტებით უზრუნველყოფილ შეკრების თავისუფლების სტანდარტებიდან გამომდინარე”.
2026 წლის 6 თებერვალს, სამოქალაქო აქტივისტმა ლაშა ჯანჯღავამ სოციალურ ქსელში გაავრცელა ინფორმაცია, რომლის თანახმადაც, ადმინისტრაციული ჯარიმის გადაუხდელობის გამო, აქტივისტ მარიამ ცომაიას ანგარიშები დაუყადაღეს.
დოკუმენტებიდან, რომელიც ამ პოსტს აქვს დართული, ირკვევა, რომ 2025 წლის 5 სექტემბერს, თბილისის საქალაქო სასამართლოს მოსამართლე ლელა ცაგარეიშვილმა, მარიამ ცომაია სამართალდამრღვევად ცნო ადმინისტრაციულ სამართალდარღვევათა კოდექსის 166-ე მუხლის 1-ელი ნაწილისა (წვრილმანი ხულიგნობა) და 173-ე მუხლის პირველი ნაწილის (სამართალდამცველისადმი დაუმორჩილებლობა) საფუძველზე და ადმინისტრაციული სახდელის სახით განუსაზღვრა ჯარიმა 2500 ლარი. “ადმინისტრაციული დაკავების შემდეგ დადგენილება არ ჩააბარეს და შემთხვევით გაიგო რომ დაყადაღებული იყო”, – წერს ლაშა ჯანჯღავა.
მარიამ ცომაია, სხვა 18 დემონსტრანტთან ერთად, პოლიციამ 2025 წლის 2 სექტემბერს, თბილისში, რუსთაველის გამზირზე დააკავა. ამ დღეს პარლამენტში “ქართული ოცნების” წევრის თეა წულუკიანის ხელმძღვანელობით შექმნილი დროებითი საგამოძიებო კომისიის ანგარიშს ისმენდნენ. კომისიამ შეისწავლა 2003–2012 წლებში მმართველი პარტია “ნაციონალური მოძრობის”პოლიტიკური თანამდებობის პირებისა და პოლიტიკურ პარტიებში გაერთიანებული მოქმედი და ყოფილი თანამდებობის პირების საქმიანობა. მოქალაქეები ჯერ პარლამენტის შენობასთან და შემდეგ უკვე რუსთაველის გამზირზე აპროტესტებდნენ საგამოძიებო კომისიის დასკვნის შედეგებს.
თბილისის საქალაქო სასამართლოს მოსამართლე თორნიკე კაპანაძემ, ტროტუარზე პროტესტის გამო, სამოქალაქო აქტივისტ ლაშა კაკოიშვილს 4-დღიანი ადმინისტრაციული პატიმრობა შეუფარდა. შინაგან საქმეთა სამინისტრო, კაკოიშვილს 2025 წლის 18 დეკემბერს, ტროტუარზე პროტესტის გამო, მოქალაქეებისთვის დაბრკოლების შექმნას ედავებოდა.
ლაშა კაკოიშვილი, ტროტუარზე პროტესტისთვის სამართალდამრღვევად ცნობილი მე-15 მოქალაქეა. ამ 15 ადამიანიდან, 8-ს ადმინისტრაციული პატიმრობა შეუფარდეს, ზოგს 4, ზოგს კი 5 დღით, 7-ს კი (უმეტესად ქალებს) სიტყვიერი შენიშვნა გამოუცხადეს.
ტროტუარზე პროტესტის გამო, მოქალაქეების წინააღმდეგ ადმინისტრაციული წარმოება მას შემდეგ დაიწყო, რაც “ქართულმა ოცნებამ”, 2025 წლის 12 დეკემბერს, თავისუფლების შემზღუდველი მორიგი რეპრესიული საკანონმდებლო ცვლილებამიიღო. ცვლილებები დაჩქარებული წესით, 3 დღეში განიხილეს. ამ ცვლილებებით, ფაქტობრივად, პროტესტი ტროტუარზეც აიკრძალა. პირველ შემთხვევაში გათვალისწინებულია ადმინისტრაციული პატიმრობა 15 დღემდე ვადით (ორგანიზატორისთვის – 20 დღემდე), ხოლო განმეორებით შემთხვევაში შესაძლებელია სისხლისსამართლებრივი პასუხისმგებლობის დაკისრება. “საერთაშორისო გამჭვირვალობა საქართველოს” შეფასებით, “ტროტუარზე დგომის გამო პირის პატიმრობა, თუნდაც ადმინისტრაციული წესით, რომ არაფერი ვთქვათ სისხლისსამართლებრივ სასჯელზე, ვერავითარ კრიტიკას ვერ უძლებს ვერც საქართველოს კონსტიტუციით და ვერც ადამიანის უფლებათა საერთაშორისო აქტებით უზრუნველყოფილ შეკრების თავისუფლების სტანდარტებიდან გამომდინარე”.
2026 წლის 5 თებერვალს, პროევროპული პროტესტის მონაწილე 20-მა ადამიანმა საბანკო ანგარიშების დაყადაღების შესახებ მიიღო შეტყობინება. მიზეზი – ჯარიმების გადაუხდელობაა. ისინი სოციალურ ქსელში წერენ, რომ ამ დრომდე, დაჯარიმების შესახებ არანაირ ინფორმაციას არ ფლობდნენ. აღსრულების ეროვნულ ბიუროში გადამოწმების შემდეგ კი გაარკვიეს, რომ დაჯარიმებული არიან 2025 წელს, საპროტესტო აქციებზე “გზის ხელოვნური გადაკეტვისთვის”.
დაყადაღების შესახებ, სოციალურ ქსელში 20 მოქალაქის პოსტი გავრცელდა. ესენი არიან:
- აჩი გოჩიტაშვილი
- მარიამ პაიჭაძე
- ბექა ბერიკაშვილი
- გიორგი მელითაური
- მარი ლორთქიფანიძე
- მიშა სამხარაძე
- თათია მექვაბიშვილი
- ლაშა დგებუაძე
- თიკა პატარაია
- დავით გოგიჩა
- საბა ჯაფარიძე
- სანდრო ლიპარტელიანი
- მარიამ ღვინიანიძე
- სანდრო ტუღუში
- ნუკრი ალბუთაშვილი
- ელენე ბერიკაშვილი
- ქეთი ქანთარია
- მარიკო ცომაია
- ნინო რამიშვილი
- ლაშა ბაქრაძე
“გზის ხელოვნურად გადაკეტვა”, ადმინისტრაციულ სამართალდარღვევათა კოდექსის 174 პრიმა მუხლის შესაბამისად, შეკრებისა და მანიფესტაციის ორგანიზებისა და ჩატარების წესის დარღვევად ითვლება. გასული წლის 7 თებერვლიდან „გზის ხელოვნურად გადაკეტვისთვის“ დაკისრებული ჯარიმა გაათმაგდა და 5000 ლარი გახდა. ასეთი ჯარიმა პროევროპული პროტესტის მონაწილე ასობით ადამიანს აქვს და ჯარიმების ჯამური ოდენობა რამდენიმე მილიონ ლარს აღწევს.
თბილისის ილიას სახელმწიფო უნივერსიტეტის სტუდენტური მოძრაობის ორი წევრი, ანნი ფრიდონაშვილი და ტასო დოლიძე, ტროტუარზე პროტესტის გამო სასამართლოში დაიბარეს. მათ 2025 წლის 17 და 18 დეკემბერს, ტროტუარის გადაკეტვას ედავებიან.
ტროტუარზე პროტესტის გამო, მოქალაქეების წინააღმდეგ ადმინისტრაციული წარმოება მას შემდეგ დაიწყო, რაც “ქართულმა ოცნებამ”, 2025 წლის 12 დეკემბერს, თავისუფლების შემზღუდველი მორიგი რეპრესიული საკანონმდებლო ცვლილება მიიღო. ცვლილებები დაჩქარებული წესით, 3 დღეში განიხილეს. ამ ცვლილებებით, პროტესტი ტროტუარზეც აიკრძალა. პირველ შემთხვევაში გათვალისწინებულია ადმინისტრაციული პატიმრობა 15 დღემდე ვადით (ორგანიზატორისთვის – 20 დღემდე), ხოლო განმეორების შემთხვევაში, შესაძლებელია სისხლისსამართლებრივი პასუხისმგებლობის დაკისრება. “საერთაშორისო გამჭვირვალობა საქართველოს” შეფასებით, “ტროტუარზე დგომის გამო პირის პატიმრობა, თუნდაც ადმინისტრაციული წესით, რომ არაფერი ვთქვათ სისხლისსამართლებრივ სასჯელზე, ვერავითარ კრიტიკას ვერ უძლებს ვერც საქართველოს კონსტიტუციით და ვერც ადამიანის უფლებათა საერთაშორისო აქტებით უზრუნველყოფილ შეკრების თავისუფლების სტანდარტებიდან გამომდინარე”.
ამ დრომდე „ტროტუარის საქმეებზე“ 14 მოქალაქე ცნეს სამართალდამრღვევად. მათგან, 7-ს 4 და 5-დღიანი ადმინისტრაციული პატიმრობა შეეფარდა, 7-ს კი (უმეტესად ქალებს) სიტყვიერი შენიშვნა გამოუცხადეს.
თბილისის საქალაქო სასამართლოს მოსამართლე მანუჩარ ცაცუამ, სამოქალაქო აქტივისტი ნატა ფერაძე, “ქართული ოცნების” დეპუტატნინო წილოსანზე დაწერილი პოსტის გამო 4 000 ლარით დააჯარიმა.
“ნინო წილოსანის ჯიში’ – ამ სტატუსისთვის უჩივლა დეპუტატმა წილოსანმა ნატა ფერაძეს. ნატა ფერაძეს ადმინისტრაციულ სამართალდარღვევათა კოდექსის 173-ე მუხლის მე-16 ნაწილის დარღვევას ედავებოდნენ, რაც სახელმწიფო-პოლიტიკური თანამდებობის პირისა თუ საჯარო მოხელის სიტყვიერ შეურაცხყოფას, ლანძღვა-გინებას, მასზე შეურაცხმყოფელ გადაკიდებას ან/და მის მიმართ სხვაგვარ შეურაცხმყოფელ ქმედებას გულისხმობს. აღნიშნული მუხლი ითვალისწინებს ჯარიმას 1 500 ლარიდან 4 000 ლარამდე ოდენობით ან ადმინისტრაციულ პატიმრობას 45 დღემდე ვადით.
ეს არ არის პირველი შემთხვევა, როდესაც მოქალაქეებს სოციალურ ქსელში დაწერილი პოსტისთვის უჩივიან და შემდეგ სასამართლო აჯარიმებს. 27 იანვარს ზუგდიდის რაიონული სასამართლოს მოსამართლე ფატი ფურცხვანიძემ ასევე სამართალდამრღვევად ცნო და 4000 ლარით დააჯარიმა, პროევროპული საპროტესტო აქციების მონაწილე, ზუგდიდში მცხოვრები თაკო გვილია, Facebook-ზე პოლიციელის შესახებ დაწერილი პოსტის გამო.
სოციალურ ქსელში გამოქვეყნებული პოსტების გამო მოქალაქეების სასამართლოში დაბარება მას შემდეგ დაიწყეს, რაც 2025 წლის ივნისში “ქართულმა ოცნებამ” დაჩქარებული წესით მიიღო “ოცნებამ” ცვლილებები სიტყვისა და გამოხატვის თავისუფლების შესახებ საქართველოს კანონში. ეს ცვლილებები ძირითადად ცილისწამების ნაწილს შეეხო. კერძოდ, შეიცვალა ცილისწამების განმარტება – ზიანის კომპონენტი, რომელიც აქამდე აუცილებელი იყო რომ განცხადება ცილისწამებად შეფასებულიყო, განმარტებიდან ამოიღეს. ამ ცვლილებების ამოქმედებიდან მალევე, სოციალურ ქსელში გამოთქმული მოსაზრებების გამო ექვსი ჟურნალისტი დააჯარიმეს. “საქართველოს ახალგაზრდა იურისტთა ასოციაციამ” ეს ცვლილებები შეაფასა, როგორც ”გამოხატვის თავისუფლების გაუმართლებელი შეზღუდვა, რომელიც ქმნის მსუსხავ ეფექტს და მიზნად ისახავს საზოგადოებაში შიშის დანერგვას, რათა ადამიანებმა თავი შეიკავონ “ქართული ოცნების” ქმედებებისა და პოლიტიკოსების კრიტიკული შეფასებისგან”.
2025 წლის 4 ოქტომბერის საქმეზე ბრალდებულმა ნანა სანდერმა, სასამართლო პროცესზე მის მიმართ არაადამიანურ მოპყრობაზე ისაუბრა.
ნანა სანდერს ჯანმრთელობის პრობლემები აქვს და ის შესაბამის მკურნალობასა და სათანადო მატრასს ითხოვს. სასამართლოზე მან განაცხადა, რომ არაერთი მოთხოვნის მიუხედავად, ეს პრობლემები არ მოგვარებულა და ის ტკივილებით იტანჯება. “ცდილობენ, რომ ჩემი ტკივილები, არც არის ორთოპედიული მატრასის არქონასთან დაკავშირებული, ფსიქიკურ პრობლემებთან დააკავშირონ”, – განაცხადა მან და აღნიშნა, რომ ფსიქიატრი მას ფსიქიატრიულ დაწესებულებაში გადაყვანით დაემუქრა, ზუსტად ისე, როგორც ეს მასწავლებელ ნინო დათაშვილის შემთხვევაში მოხდა.
მან ასევე ახსენა, რომ პრობლემებს უქმნიან საკვების მიწოდების დროსაც. ნანა სანდერმა განაცხადა, რომ სპეციალური კვებითი საჭიროება აქვს (არის ვეგანი) და ვინაიდან, საპატიმროში ასეთი საკვები არ აქვთ, ის ორი დღის განმავლობაში მშიერი იყო: “განმიცხადეს, რომ შენი საჭმელი არ არსებობსო“.
შეგახსენებთ, საპატიმროში არასათანადო მოპყრობაზე საუბრობს პატიმარი, მსჯავრდებული ანასტასია ზინოვკინაც. მასაც იგივე ჯანმრთელობის პრობლემა აქვს და პრობლემის მოგვარების ნაცვლად, 15 იანვრიდან ის დახურული ტიპის თავისუფლ
2026 წლის 2 თებერვალს, თბილისის საქალაქო სასამართლოს მოსამართლეებმა, კიდევ ოთხი სამოქალაქო აქტივისტი ცნეს სამართალდამრღვევად ტროტუარზე პროტესტის გამო. მათგან ორს (მამაკაცებს) ადმინისტრაციული პატიმრობა შეუფარდეს, ორს კი (ქალებს) სიტყვიერი გაფრთხილება მისცეს:
- ზურა მანჩხაშვილს – 5-დღიანი პატიმრობა (მოსამართლე თორნიკე კაპანაძე);
- თორნიკე ჯანდიერს – 5-დღიანი პატიმრობა (მოსამართლე დავით მაკარაძე);
- სოფო ჩაჩანიძე – სიტყვიერი შენიშვნა (მოსამართლე დავით მაკარაძე);
- თეკლე გაბელია – სიტყვიერი შენიშვნა (მოსამართლე დავით მაკარაძე);
შინაგან საქმეთა სამინისტრო მოქალაქეებს ედავებოდა, რომ ტროტუარზე დგომით ისინი გადაადგილებაში ხელს უშლიდნენ სხვა მოქალაქეებს. ამ დრომდე „ტროტუარის საქმეებზე“ სასამართლოს გადაწყვეტილება 10 მოქალაქის შემთხვევაში ჰქონდა მიღებული. 10-ვე სამართალდამრღვევად ცნეს. 5 აქტივისტი ადმინისტრაციული პასუხისმგებლობისგან გათავისუფლდა, მათ სიტყვიერი შენიშვნა გამოუცხადეს. 5-ს კი 4- და 5-დღიანი ადმინისტრაციული პატიმრობა შეეფარდა.
შეკრების თავისუფლების შემზღუდველი მორიგი რეპრესიული საკანონმდებლო ცვლილება “ქართულმა ოცნებამ“ 2025 წლის 12 დეკემბერს მიიღო. ცვლილებები დაჩქარებული წესით, 3 დღეში განიხილეს. ამ ცვლილებებით პროტესტი ტროტუარზეც აიკრძალა. პირველ შემთხვევაში გათვალისწინებულია ადმინისტრაციული პატიმრობა 15 დღემდე ვადით (ორგანიზატორისთვის – 20 დღემდე), ხოლო განმეორებით შემთხვევაში შესაძლებელია სისხლისსამართლებრივი პასუხისმგებლობის დაკისრება. “საერთაშორისო გამჭვირვალობა საქართველოს” შეფასებით, “ტროტუარზე დგომის გამო პირის პატიმრობა, თუნდაც ადმინისტრაციული წესით, რომ არაფერი ვთქვათ სისხლისსამართლებრივ სასჯელზე, ვერავითარ კრიტიკას ვერ უძლებს ვერც საქართველოს კონსტიტუციით და ვერც ადამიანის უფლებათა საერთაშორისო აქტებით უზრუნველყოფილ შეკრების თავისუფლების სტანდარტებიდან გამომდინარე”.
ისტორიის მასწავლებელი, პოლიტიკური აქტივისტი, პარტია „ფედერალისტების“ წევრი, შალვა ჯავახია ტროტუარზე პროტესტის გამო სამართალდამრღვევად ცნეს და სიტყვიერი შენიშვნა გამოუცხადეს. გადაწყვეტილება მოსამართლე მანუჩარ ცაცუამ მიიღო. შინაგან საქმეთა სამინისტრო შალვა ჯავახიას 2025 წლის 18 დეკემბერს პარლამენტთან ტროტუარზე ხალხის გადაადგილებისთვის დაბრკოლების შექმნას ედავებოდა.
შალვა ჯავახია მე-10 ადამიანია, ვინც ტროტუარზე დგომის გამო სამართალდამრღვევად ცნეს. 10-დან 5 ადამიანს 4- და- 5- დღიანი ადმინისტრაციული პატიმრობა შეუფარდეს, 5 მოქალაქე კი ადმინისტრაციული პასუხისმგებლობისგან გათავისუფლდა, მათ სიტყვიერი შენიშვნა გამოუცხადეს.
შეკრების თავისუფლების შემზღუდველი მორიგი რეპრესიული საკანონმდებლო ცვლილება “ქართულმა ოცნებამ“ 2025 წლის 12 დეკემბერს მიიღო. ცვლილებები დაჩქარებული წესით, 3 დღეში განიხილეს. ამ ცვლილებებით, ფაქტობრივად, პროტესტი ტროტუარზეც აიკრძალა. პირველ შემთხვევაში გათვალისწინებულია ადმინისტრაციული პატიმრობა 15 დღემდე ვადით (ორგანიზატორისთვის – 20 დღემდე), ხოლო განმეორებით შემთხვევაში შესაძლებელია სისხლისსამართლებრივი პასუხისმგებლობის დაკისრება. საერთაშორისო გამჭვირვალობა საქართველოს შეფასებით, “ტროტუარზე დგომის გამო პირის პატიმრობა, თუნდაც ადმინისტრაციული წესით, რომ არაფერი ვთქვათ სისხლისსამართლებრივ სასჯელზე, ვერავითარ კრიტიკას ვერ უძლებს ვერც საქართველოს კონსტიტუციით და ვერც ადამიანის უფლებათა საერთაშორისო აქტებით უზრუნველყოფილ შეკრების თავისუფლების სტანდარტებიდან გამომდინარე”.
ტროტუარზე დგომის გამო დაკავებული აქტივისტის, სანდრო მეგრელიშვილის საქმე, თბილისის სააპელაციო სასამართლომ ზეპირი მოსმენის გარეშე განიხილა და საჩივარი არ დააკმაყოფილა. მეგრელიშვილის ადვოკატის, ირაკლი აბესაძის თქმით, ეს გადაწყვეტილება სააპელაციო სასამართლოს მოსამართლემ, შორენა ყაველაშვილმა მიიღო.
2026 წლის 23 იანვარს, თბილისის საქალაქო სასამართლოს მოსამართლემ, დავით მაკარაძემ, სანდრო მეგრელიშვილს ტროტუარზე პროტესტის გამო 4-დღიანი პატიმრობა შეუფარდა. სწორედ ეს გადაწყვეტილება გაასაჩივრა სანდრო მეგრელიშვილის ადვოკატმა ზემდგომ ინსტანციაში.
შეკრების თავისუფლების შემზღუდველი მორიგი რეპრესიული საკანონმდებლო ცვლილება „ქართულმა ოცნებამ“ 2025 წლის 12 დეკემბერს მიიღო. ცვლილებები დაჩქარებული წესით, 3 დღეში განიხილეს. ამ ცვლილებებით პროტესტი ტროტუარზეც აიკრძალა. პირველ შემთხვევაში გათვალისწინებულია ადმინისტრაციული პატიმრობა 15 დღემდე ვადით (ორგანიზატორისთვის – 20 დღემდე), ხოლო განმეორებით შემთხვევაში შესაძლებელია სისხლისსამართლებრივი პასუხისმგებლობის დაკისრება. საერთაშორისო გამჭვირვალობა საქართველოს შეფასებით, “ტროტუარზე დგომის გამო პირის პატიმრობა, თუნდაც ადმინისტრაციული წესით, რომ არაფერი ვთქვათ სისხლისსამართლებრივ სასჯელზე, ვერავითარ კრიტიკას ვერ უძლებს ვერც საქართველოს კონსტიტუციით და ვერც ადამიანის უფლებათა საერთაშორისო აქტებით უზრუნველყოფილ შეკრების თავისუფლების სტანდარტებიდან გამომდინარე”.
